ТР Җир һәм мөлкәт мөнәсәбәтләре министрлыгының 2018 елга дәүләт милкеннән һәм җир кишәрлекләреннән файдаланудан бюджет йөкләмәсе

Татарстан Республикасының “2018 елга һәм 2019 һәм 2020 елларның план периодына Татарстан Республикасы бюджеты турындагы” 30.11.2017 № 85-ЗРТ законы нигезендә 2018 елга дәүләт милкеннән һәм җир кишәрлекләреннән файдаланудан Татарстан Республикасы бюджетына 339,48 млн.сум керем керә дип прогнозлана.

Статьялар буенча 2018 елда:

мөлкәтне арендалаудан – 66,09  миллион сум;

җирне арендалаудан – 60,37 миллион сум;

сервитуттан – 2,37 миллион сум;

мөлкәтне сатудан – 25 миллион сум;

мөлкәтне ышаныч идарәгә тапшырудан  – 57 миллион сум;

дивидентлардан – 106,32  миллион сум;

чиста табыш өлешеннән – 28,43 миллион сум табыш керергә тиеш.