ТР Җир һәм мөлкәт мөнәсәбәтләре министрлыгының Кадрлар бүлеге башлыгы Ринат Гәзизов ТР Президенты каршындагы Кадрлар һәм дәүләт хезмәте хезмәте департаментының рәхмәт хаты белән бүләкләнде
Бүген КФУ ның Дәүләт һәм муниципаль идарәнең югары мәктәбендә ТР Президенты каршындагы Кадрлар һәм дәүләт хезмәте хезмәте департаменты җитәкчесе Александр Белов рәислегендә кадрлар подразделениеләре җитәкчеләре белән 2018 нче ел нәтиҗәләре буенча киңәшмә үткәрелде.
Бу чарада шулай ук Казан федераль университетының Дәүләт һәм муниципаль идарәнең югары мәктәбе директоры Игорь Привалов та катнашты.
Киңәшмәдә персонал белән эшкә кагылышлы сораулар, Татарстан Республикасында дәүләт гражданлык хезмәте үсеше, “Кадрлар” бердәм мәгълүмат системасының федераль дәүләт мәгълүмат системасы белән интеграцияләү сораулары каралды. Моннан тыш, якынлашып килә торган Яңа ел һәм Раштуа бәйрәмнәре алдыннан бүләк бирү һәм алуны тыю кагыйдәләрен үтәргә кирәклеге турында искәртелде.
Киңәшмә аерым хезмәткәрләрне бүләкләү белән төгәлләнде. ТР Җир һәм мөлкәт мөнәсәбәтләре министрлыгының Кадрлар бүлеге башлыгы Ринат Гәзизов вазыйфаи бурычларны намуслы башкарганы, югары һөнәрилеге һәм нәтиҗәле кадрлар эше өчен ТР Президенты каршындагы Кадрлар һәм дәүләт хезмәте департаментының рәхмәт хаты белән бүләкләнде.