Питрәч муниципаль районында халыкка түләүсез юридик ярдәм күрсәтү буенча чара узачак
2020 елның 23 гыйнварында Питрәч муниципаль районында Татарстан Республикасы Президентының «Татарстан Республикасында халыкка юридик ярдәм күрсәтү һәм хокукый мәгърифәтле итү системасын үстерү чаралары турында» 22.03.2010 №ПУ-156 Указын һәм «Татарстан Республикасында гражданнарга түләүсез юридик ярдәм күрсәтү турында»02.11.2012 №73-ТРЗ Татарстан Республикасы Законын гамәлгә ашыру кысаларында халыкка түләүсез юридик ярдәм күрсәтү чарасы узачак.
Чарада Татарстан Республикасы Төзелеш, архитектура һәм ТКХ министрлыгы, Татарстан Республикасы Дәүләт Советы, Татарстан Республикасы буенча салым хезмәте идарәсе вәкилләре һәм башкалар катнашачак.
ТР Җир һәм мөлкәт мөнәсәбәтләре министрлыгыннан түләүсез юридик ярдәм күрсәтүдә ТР Җир һәм мөлкәт мөнәсәбәтләре министрлыгы белгече Анна Ханжина катнашачак.