ЯҢАЛЫКЛАР


15
май 2018 ел.
сишәмбе

Казан шәһәрендә бәяләүчеләр өчен квалификация имтиханнарына гариза тапшыру 14.05.2018 көнне төгәлләнде.

Әгәр анкета элегрәк бирелгән булса, abramyan@pprog.ru адресына «ФРЦ» ФБУ  җитәкчесе Бункин А.С. исеменә Казан шәһәрендәге имтиханның күчерелүе турындагы ирекле формада гариза җибәрү мөһим.

Имтиханнар 28.05.2018 көннән башлап КФУ ның Икътисад һәм финанслар институты базасында, Казан, Бутлеров ур., 4 адресы буенча үткәрелә.

Имтиханнарга әзерлек буенча түләүсез семинар: http://оценщики-рт.рф/семинар-по-подготовке-к-квалэкзамену/

 

2018 елның 11 май көне торышына Министрлык тарафыннан эксплуатацияләүче оешмаларның гаризалары нигезендә  203 мең км озынлыктагы газбүлгеч челтәренең саклык зоналары чикләре (газүткәргечләр) раслау һәм Казан шәһәре, Әлки, Алексеевск, Әтнә, Алабуга, лаеш, Спасс, Чистай муниципаль районнары территориясендә гомуми мәйданы 81 га  җир кишәрлекләренә чикләүләр кую турындагы боерыклар кабул ителде.


14
май 2018 ел.
дүшәмбе

2018 елның 12 мае көнне республикада “Татарстанның чиста урманнары” дип аталган табигать саклау акциясе үткәрелде.

Биектау урман хуҗалыгы территориясендәге урманны чүпләрдән арындыру эшендә Татарстан Республикасының Җир һәм мөлкәт мөнәсәбәтләре министрлыгы хезмәткәрләре дә активлык күрсәтте.

Узган шимбә көнне, 12.05.2018, ТР Дәүләт хезмәткәрләре Спартакиадасы кысаларында Казан шәһәренең Үзәк стадионындагы җиңел атлетика буенча эстафета үткәрелде.

Республика министрлыклары һәм ведомстволарының командалары арасында ярышта ТР Җир һәм мөлкәт мөнәсәбәтләре министрлыгының да командасы составында: Равил Хәсәншин,  Алмаз Мөбәрәков,  Инна Альмукова һәм Регина Галимҗанова да актив катнашты.


11
май 2018 ел.
җомга

Бүген Татарстан Республикасы районнарында “Татарстан Республикасының техник инвентаризацияләү бюросы” АҖ подразделениеләрен саклап калу сораулары буенча киңәшмә булды. Киңәшмәдә Татарстан Республикасының 14 муниципаль районы, шул исәптән: Әгерҗе,  Арча Аксубай, Әтнә,  Баулы, Югары Ослан,  Чүпрәле, Мамадыш, Менделеевск,  Яңа Чишмә,  Сарман,  Тәтеш,  Теләче  һәм  Зәй районнарының тәкъдимнәре тыңланылды. “Татарстан Республикасының техник инвентаризацияләү бюросы” АҖ һәм муниципаль районнарның үзара хезмәттәшлегендә килеп чыккан проблемалы сораулары, шулай ук алдагы эшчәнлек перспективалары каралды.

Киңәшмә нәтиҗәләре буенча 2018 нче елның 2 кварталы нәтиҗәләре буенча теге яки бу районда урнашкан “Татарстан Республикасының техник инвентаризацияләү бюросы” АҖ подразделениеләрен саклау яки бетерү турында карар кабул итү тәкъдим ителде.

Бәяләүчеләрне квалификация имтиханнарына әзерлек буенча чаралар үткәрү кысаларында ТР Бәяләүчеләр союзы “Күчемсез милекне бәяләү”,  “Күчемле милекне бәяләү” юнәлешләре буенча түләүсез интенсив-семинар үткәрә. Семинар кысаларында СРО советы экспертлары вәкилләре тарафыннан практик мәсьәләләр каралачак, шулай ук имтиханнар тапшыру буенча рекомендацияләр биреләчәк. Мәгълүмат оценщики-рт.рф сайтында.

ТР Бәяләүчеләр союзы шулай ук бәяләү сыйфатын күтәрү һәм бәяләү берләшмәләре мәнфәгатьләрендә бәяләүчеләр СРО һәм укыту оешмаларына ярдәм тәэсире ясаячак.


10
май 2018 ел.
пәнҗешәмбе

10.05.2018 җир һәм мөлкәт мөнәсәбәтләре министры урынбасары Фәрит Мусин җитәкчелегендә устав капиталында дәүләт өлеше булган Дәүләт унитар оешмаларның һәм акционерлык җәмгыятьләрнең финанс-хуҗалык эшчәнлеген анализлау буенча эш группасының чираттагы утырышы узды. Утырышта устав капиталында  Татарстан Республикасының  50% өлеше булган 5 оешма: «Юл хәрәкәте иминлеге» АҖ, «Идел углеводород чималы фәнни-тикшеренү институты » АҖ, «Татарстан роектлары» АҖ, «Урман транспорт компаниясе», «Буа МПП ТКХ (Инженерлык челтәрләре)» АҖ финанс-хуҗалык эшчәнлекләре анализланды.

Комиссия тарафыннан акционерлык җәмгыятьләр эшчәнлегенең зыянга эшләү сәбәпләре каралды һәм күрсәткечләрен яхшырту буенча рекомендацияләр бирелде.

Утырыш нәтиҗәләре буенча бу оешмалар эшчәнлеген контрольдә тотуны дәва итәргә һәм  ситуацияләр начарайган очракта аларның финанс-хуҗалык эшчәнлекләрен өстәмә карарга дигән карар кабул ителде.

2018 елның 9 Май көнендә Казанда традицион “Үлемсез полк” россиякүләм иҗтимагый-патриотик акциясе узды. Россиякүләм бу хәрәкәттә Татарстан Республикасының Җир һәм мөлкәт мөнәсәбәтләре министрлыгы һәм аның карамагындагы хезмәткәрләре дә катнаштылар.

Аларның һәркайсы сугышта һәлак булган, хәбәрсез югалган, фронтка җиңүгә мөмкинлек биреп тылда хезмәттә иткән якыннарының фото һәм портретларын алып бардылар. “Үлемсез полк” маршында катнашып, без аларга тиешле хөрмәтебезне белдерәбез.

Гомумән алганда, Казан шәһәрендә истәлек маршында 163 мең кеше катнашты.  “Үлемсез полк” акциясе шулай ук республиканың барлык шәһәр һәм районнарында оештырылды.


8
май 2018 ел.
сишәмбе

17.05.2018 – 18.05.2018 көннәрендә гражданнарга түләүсез юридик ярдәм күрсәтү буенча мәгълумати-консультация группасы Актаныш муниципаль районының авылларына  халыкка бушлай юридик ярдәм күрсәтергә барачак. 

       Бу чарада группа составында ТР Җир һәм мөлкәт мөнәсәбәтләре министрлыгы белгече җир законнары сораулары буенча ярдәм күрсәтәчәк. 

 

7 нче май көнне министр урынбасары Рөстәм Шәмеев җитәкчелегендә  видеоконферецэлемтә режимында ТР муниципаль берәмлекләре белән  мөлкәт һәм җир кишәрлекләре арендалары өчен җыелган бурычларны киметү һәм бу юшәлештә эшне камилләштерү сораулары буенча киңәшмә үткәрелде.

Киңәшмәдә видеоэлемтә буенча Агерҗе, Арча, Буа, Кама Тамагы, Түбән Кама, Спасс, Тәтеш һәм Чистай муниципаль районнарының мөлкәт һәм җир мөнәсәбәтләре палаталары җитәкчеләре катнаштылар.

Киңәшмә барышында 1 кварталда мөлкәт һәм җир кишәрлекләре арендалары өчен Татарстан Республикасының муниципаль берәмлекләре бюджеты каршында җыелган бурычларның җыелу сәбәпләре, аны киметү юллары каралды, 2018 нче елның 1 кварталында муниципаль мөлкәт һәм җир кишәрлекләрен сату һәм файдаланудан кергән табыш буенча бюджет бурычын башкару анализланды.

Киңәшмә нәтиҗәләре буенча муниципаль районнарга 2018 нче елга муниципаль мөлкәт һәм җир кишәрлекләре белән идарә итү буенча бюджет бурычын башкаруны тәэмин итү һәм муниципаль берәмлекләре бюджеты каршында җыелган бурычларны киметү буенча йөкләмәләр бирелде.


ЯҢАЛЫКЛАРГА ЯЗЫЛУ
Copyright © 2003 — 2018
Татарстан Республикасы Министрлар Кабинеты
Яндекс цитирования