ЯҢАЛЫКЛАР


27
сентябрь 2018 ел.
пәнҗешәмбе

ТР Җир һәм мөлкәт мөнәсәбәтләре министрлыгы шартлы гадәттән тыш хәлләр булган очракта хезмәткәрләрне һәм министрлыкка килгән гражданнарны эвакуацияләү буенча өйрәнүләр уздырылды. Өйрәнүләр вакытында бинаның эче ишек алдында шартлы шартлаткычка охшаган предмет салынган пакет табылды һәм бинадан кешеләрне чыгару чаралары күрелде.

 


26
сентябрь 2018 ел.
чәршәмбе

Бүген Татарстан Республикасы Хөкүмәте Йортында «Татнефть» Директорлар советының чираттагы утырышы узды. Утырышта Татарстан Республикасы Президенты Рөстәм Миңнеханов рәислек итте. Анда 2018 елның сигез ае эчендә компания бюджеты үтәлеше каралды һәм октябрь аена һәм кварталга компания бюджеты расланды.

Директорлар советы «Татнефть» төркеменең 2030 елга кадәр Үсеш стртатегиясен раслады. Стратегиянең төп параметрлары: нефть чыгаруны елына 38,4 млн. тоннага кадәр арттыру, 2030 елга запасларны 100% тулыландыру, нефть эшкәртүне елына 15,3 млн. тоннага кадәр этаплап арттыру, ТАНЕКО комплексын эксплуатацияләүдән иң зур нәтиҗәлелеккә ирешүне тәэмин итү, елына 18 млн. шин реализацияләү, яңа газ-нефть химиясе комплексының 1 нче этабы объектларын төзү. Бизнес-максатларга уңышлы ирешү Татарстан Республикасы Хөкүмәтенең һәм Россия Икътисад министрлыгының икътисадый фаразларына нигезләнгән база сценариендә төркем капитализациясен 36 млрд. долларга кадәр җиткерергә мөмкинлек бирәчәк, ел саен акционерларга дивидендлар түләүне тәэмин итәчәк, әйләнә-тирә мохитне саклауда, кеше капиталын үстерүдә лидерлык позицияләрен саклап калачак.

 

ТР Җир һәм мөлкәт мөнәсәбәтләре министрлыгы тарафыннан Татарстан Республикасы милкендәге мөлкәтне озын срокка һәм льготалы шартларда кече һәм урта эшмәкәрле субъектларына тапшыру өчен аренда килешмәсе төзү хокукына аукцион игълан ителде.

Арендага тапшыру срогы – 6 ел

Аренда түләве:

Арендалауның беренче елында – 0 процен;

Арендалауның икенче елында – 0;

Арендалауның өченче елында – 25 процент;

Арендалауның дүртенче елында – 50 процентов;

Арендалауның бишенче елында – 75 процентов;

Арендалауның алтынчы һәм аннан соңгы елларында – мөлкәтнең базар бәясе нәтиҗәләре буенча билгеләнгән аренда бәясенең 100 проценты күләмендә.

 

ТР Бәяләүчеләр союзы экспертлары тарафыннан эш төркеменең чираттагы утырышында Татарстан Республикасының дәүләт һәм  муниципаль  милкендә булган авыл хуҗалыгы җирләреннән файдаланган өчен аренда күләмен бәяләү сораулары турында сөйләштеләр. ТР Җир һәм мөлкәт мөнәсәбәтләре министрлыгына ТР авыл хуҗалыгы һәм азык-төлек министрлыгының Республика мәгълүмат-хисаплау үзәгеннән килгән тикшерүләр һәм җентекле мәгълүмат нигезендә  эксперт Резидә Бәтретдинова республиканың өч пилот районы буенча исәп-хисаплар китерде. Исәп-хисапларда, Партнерлык экспертлары   һәм Республика мәгълүмат-хисаплау үзәгенең төрле төрдәге үсемлек үстереп җитештерү, аларны эшкәртүгә киткән хезмәт һәм чаралар чыгымнары, шулай  ук үзең үстергән азык-төлекнең үз бәясе һәм аны сатудан кергән  табыш бәяләре мәгълүматларыннан тыш ТР авыл хуҗалыгы һәм азык-төлек министрлыгының “Татарстан Республикасының игенчелек системасы” басмасы аналитикасы кулланылган иде. Фикер алышуда Андрей Лисичкин, Дмитрий Захматов, Азат Закиров, Марат Сөләймәнов, Юрий Чеботарев. ТР Җир һәм мөлкәт мөнәсәбәтләре министрлыгынннан Зөлфия Камалова катнашты.


25
сентябрь 2018 ел.
сишәмбе

Татарстанда файдаланылмаган җирләрне хуҗалык әйләнешенә җәлеп итү буенча нәтиҗәле чаралар күрергә кирәк. Җир эшләргә тиеш, дип белдерде Татарстан Республикасы Президенты Рөстәм Миңнеханов Татарстан Республикасы Дәүләт Советына еллык Юлламасында.

“Бу хакимият органнары, ТР Җир һәм мөлкәт мөнәсәбәтләре министрлыгы, район башлыклары тарафыннан тиешле контроль булмау турында сөйли”, - диде ТР Президенты үзенең чыгышында. Ул республика Хөкүмәтенә ситуацияне контрольгә алырга һәм тәртип урнаштырырга кушты.

Рөстәм Миңнеханов әйтүенчә, соңгы вакытта торак пунктлар чикләрендә авыл хуҗалыгы җирләрен яңадан бүлү эшләре башкарыла. Соңгы дүрт елда республикада 5 мең гектарга якын җир торак пунктка күчерелгән. Алар рәтендә Лаеш – 2, 7 га, Питрәч – 800 га, Биектау 500 га, Лениногорск – 500 га, Югары Ослан – 300 га һәм Тукай районнары – 300 га бар. Әмма участокларның күбесе озак вакыт дәвамында үзләштерелмичә кала.

ТР Президенты республикада авыл хуҗалыгы продукциясен җитештерүне арттыру өчен комплекслы чаралар башкарылуын әйтте.

“Халыкны көндәлек азык-төлек белән җитәрлек күләмдә тәэмин итә алабыз. Барлык эшләр дә авыл хуҗалыгы хезмәтчәннәре ярдәмендә башкарыла, аларның тырыш хезмәте бәрабәренә без алдынгы урыннарда барабыз. Авыл хуҗалыгы – икътисадның бер өлкәсе генә түгел, яшәү рәвеше. Телне, динне, мәдәниятне һәм милли рухны саклауга ул зур өлеш кертә. Без авылга һәрчак булышып килдек, аңа алга таба да ярдәм итәрбез. Республика программалары авыл үсешенә юнәлгән. Авыл хуҗалыгы продукциясе җитештерүне арттырырга кирәк. Лениногорск, Чүпрәле, Апас районнарының сөрү җирләре мәйданнары Кукмара һәм Балтач районнары белән бертигез. Ләкин бу өч районның бөртеклеләр уңышы ике тапкырга кимрәк булды. Әлбәттә бик күп акланулар уйлап табарга була, ләкин нәтиҗә барысын да күрсәтә. Шунысы яхшы: нәтиҗәле эшләүче хуҗалыклар елдан-ел арта бара. Шәхси һәм крестьян-фермер хуҗалыклары, бакчачылык белән шөгыльләнүчеләр бар. Терлек асраучы һәм яшелчә үстерүчеләр үзләренә генә түгел, башкаларга да ярдәм итә. Без аларны кадерләргә тиеш. Республика Парламенты Рәисе Фәрит Мөхәммәтшин һәм авыл хуҗалыгы министры Марат Әхмәтов тарафыннан авылларда эшлекле активлыкны арттыру өчен семинарлар оештырылды. Авыл хуҗалыгы коопиративларын, авыл хуҗалыгын үстерү актуаль тема. Авылда кешегә сату базарына чыгу кыен, тулы бер система кирәк. Авыл җирлеге һәм район башлыклары инициативалы кешеләрне табырга, аларга ярдәм итәргә тиеш. Авыл хуҗалыгы министрлыгына, муниципаль советлар белән бергә чимал эшкәртү һәм кырдан продукцияне кибет киштәләренә җиткерү эшләрен җайга салу шарт”, - диде ул.

 

ТР Җир һәм мөлкәт мөнәсәбәтләре министрлыгы муниципаль  берәмлекләр белән төзелгән килешмәләр нигезендә муниципаль милек һәм җир кишәрлекләре белән идарә итүдә сату-алу эшләре буенча мониторинг үткәрү эшен дәвам итә.

Килешмәләр киң спектрда үзара хезмәттәшлекне, шул исәптән мөлкәт һәм җир кишәрлекләрен сату-алу эшләре карарлары проектларының законга тәңгәлеген анализлауны камилләштерү буенча эшне күздә тота.

       


24
сентябрь 2018 ел.
дүшәмбе

       22 сентябрь көнне Татарстан Республикасының дәүләт хезмәткәрләре Спартакиадасы кысаларында “Ватан” спорт комплексында футбол буенча ярыш үткәрелде.

ТР Җир һәм мөлкәт мөнәсәбәтләре министрлыгы командасы ярышта актив катнашты. Министрлык командасы составында: Олег Масленков, Ислам Ишмаков, Алмаз Мөбарәков, Марсель Минуллин, Тимур Хәбибуллин, Владлен Морозов, Равил Хәсәншин, Зөлфәт Галәүтдинов, Илья Пахмутов, Сергей Спичков һәм Рамил Хәбибуллин катнаштылар. Команданы якларга ярышларга министрның беренче урынбасары Артур Галиев һәм министр урынбасары Рөстәм Шәмеев тә килделәр.

 


20
сентябрь 2018 ел.
пәнҗешәмбе

Татарстан Республикасының 30.11.2017 № 85-ТРЗ  “2018 нче елга Татарстан Республикасы бюджеты һәм 2019-2020 елларга план периоды турындагы” Законының 6 маддәсе нигезендә Татарстан Республикасы милкендәге акцияләр буенча дивидендлар түләү 2018 нче елның 1 нче сентябренә кадәр башкарылырга тиеш.

ТР Җир һәм мөлкәт мөнәсәбәтләре министрлыгы, дәүләт акцияләре пакетлары белән идарә итү буенча вәкаләтле орган буларак Татарстан Республикасы бюджетына Татарстан Республикасы милкендәге акцияләр буенча дивидендлар түләүне контрольдә тота.

 


19
сентябрь 2018 ел.
чәршәмбе

ТР Җир һәм мөлкәт мөнәсәбәтләре министрлыгы Россия Федерациясе Җир кодексының 39.18 маддәсе нигезендә  Татарстан Республикасы, Лаеш муниципаль районы,  Октябрьнең 25 еллыгы КП җир файданышы чикләрендәге адресы буенча мәйданы  2 557 100 кв.м  кадастр номеры 16:24:080602:152 крестьянлык  (фермерлык) хуҗалыкларына эшчәнлекләрен башкару өчен “авыл хуҗалыгы җитештерүчәнлеге өчен” рөхсәтле файдалану төре белән авыл хуҗалыгы өчен билгеләнелешле җир кишәрлеген 20 ел срок белән тапшыру турында хәбәр итә. Җир кишәрлекләренә хокук чикләүләр юк.

 


17
сентябрь 2018 ел.
дүшәмбе

Узган шимбә көнне  Казан шәһәренең Үзәк  стадионы янында Бөтенроссия йөгереш көне “Милләтләр кроссы – 2018” узды.

Старт алдыннан катнашучыларны Татарстан Республикасының Премьер-министр урынбасары Ләйлә Фазлыева, ТР Спорт министры Владимир Леонов, Казан шәһәре Башкарма комитетының физик тәрбия һәм спорт комитеты рәисе Светлана Вострикова сәламләделәр. 

“Милләтләр кроссы – 2018” Бөтенроссия йөгереш көнендә республика һәм федераль башкама органнар җитәкчеләре йөгерешендә министр вазыйфаларын башкаручы Артур Галиев катнашты. Бөтенроссия спорт чарасында ТР Җир һәм мөлкәт мөнәсәбәтләре министрлыгы хезмәткәрләре дә актив катнаштылар.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования