ЯҢАЛЫКЛАР


7
май 2018 ел.
дүшәмбе

       Узган шимбә, 5 нче май көнне, ТР Җир һәм мөлкәт мөнәсәбәтләре министрлыгы хезмәткәрләре  “Урман утырту көне”дип  игълан ителгән традицион табигатьне саклау акциясе кысаларында үткәрелгән чарада катнашты. Алар Биектау  участогы урманчылыгында ылыслы агачлар утыртуда активлык күрсәттеләр.

       ТР Урман хуҗалыгы министрлыгы мәгълүматлары буенча, бу көнне, республика буенча акция кысаларында 600 га дан артык мәйданда 2,5 млн. яшь агач утыртылган.  

       ТР Җир һәм мөлкәт мөнәсәбәтләре министрлыгы муниципаль  берәмлекләр белән төзелгән килешмәләр нигезендә муниципаль милек һәм җир кишәрлекләре белән идарә итүдә сату-алу эшләре буенча мониторинг үткәрү эшен дәвам итә.

Килешмәләр киң спектрда үзара хезмәттәшлекне, шул исәптән мөлкәт һәм җир кишәрлекләрен сату-алу эшләре карарлары проектларының законга тәңгәлеген анализлауны камилләштерү буенча эшне күздә тота.

       2018 елның 1 нче май көненә министрлык тарафыннан ТР муниципаль  берәмлекләреннән килгән 951 сату-алу эше буенча 523 мөрәҗәгать каралды, шуларның 183 сату-алу эше буенча бик әһәмиятле кисәтүләр ачыкланмады. 692 се буенча документлар кимчелекләрне төзәтү өчен кире кайтарылды. Моннан тыш, кирәкле документлар җитешмәү сәбәпле 76 эш буенча документлар караусыз калдырылды.


4
май 2018 ел.
җомга

       Министрлыкның  икътисад бүлеге белгечләре хәбәр итүенчә, 2018 елның 30 нчы апреле торышына республика бюджетына дәүләт мөлкәте һәм җир кишәрлекләреннән файдаланудан 140,28 миллион сум акча керде.  Татарстан Республикасы бюджеты каршында буджет бурычы 41,3%ка үтәлде.    

Шул исәптән, статьялар буенча:

мөлкәтне арендалаудан – 31,55  миллион сум - план 12,52,3 % ка үтәлгән;

җирне арендалаудан – 24,02 миллион сум – план 36,3 % ка үтәлгән;

сервитуттан – 0,79 миллион сум – план 33,3 % ка үтәлгән;

мөлкәтне сатудан – 6,99 миллион сум – план 27,9 % ка үтәлгән;

җир сатудан – 2  миллион сум акча кергән;

мөлкәтне ышаныч идарәгә тапшырудан  – 53,41 миллион сум табыш кергән– план 105% ка үтәлгән;

дивидентлардан – 21,53  миллион сум – план 20,3 % ка үтәлгән.

Бәяләүчеләр өчен квалификация имтиханнарын Казан шәһәрендә 28 майдан 31 майга кадәр үткәрү планлаштырыла. Имтихан бирергә теләүчеләр  теркәү анкетасы тутыру һәм тапшыру мөһим.

Теркәү анкетасында «РФ субъекты» кырында Казан шәһ. сайларга кирәк. Теркәү анкетасын тутыру өчен оценщики-рт.рф сайтындагы Перейти к заполнению регистрационной анкеты. ссылкасы буенча керергә мөмкин.

Әгәр анкета элегрәк бирелгән булса, abramyan@pprog.ru адресына «ФРЦ» ФБУ  җитәкчесе Бункин А.С. исеменә Казан шәһәрендәге имтиханның күчерелүе турындагы ирекле формада гариза җибәрү мөһим.


3
май 2018 ел.
пәнҗешәмбе

2018 елның 26 апрелендә Татарстан Республикасы юстиция министры урынбасары М.М.Ибәтов рәислегендә “Суд эшләрен әзерләү һәм алып баруның гамәли мәсьәләләре” темасына җирле үзидарә органнары хезмәткәрләрен видеоконференцэлемтә режимында кабул итү чарасы узды.

Муниципаль хезмәткәрләрнең сорауларына Татарстан Республикасы Югары Суды судьясы М.М.Сафина, Татарстан Республикасы Җир һәм мөлкәти мөнәсәбәтләр министрлыгының хокукый идарә башлыгы З.З.Галәветдинов, Татарстан Республикасы Җир һәм мөлкәти мөнәсәбәтләр министрлыгының кадастр мөнәсәбәтләре бүлеге башлыгы Т.Р.Хәбибуллин, Татарстан Республикасы Төзелеш, архитектура һәм торак-коммуналь хуҗалык министрлыгының капиталь ремонт программасын гамәлгә ашыру бүлеге башлыгы урынбасары Ш.Ю.Фәйзетдинов, Татарстан Республикасы Төзелеш, архитектура һәм торак-коммуналь хуҗалык министрлыгының юридик бүлегенең әйдәп баручы советнигы О.А.Сазонова, “Татарстан Республикасы муниципаль берәмлекләр советы” ассоциациясенең җирле үзидарә органнарына консультация-методик ярдәм күрсәтү бүлегенең баш белгече А.В.Әхмәтвәлиева, Татарстан Республикасы Юстиция министрлыгының җирле үзидарә органнарына консультация-методик ярдәм күрсәтү бүлегенең әйдәп баручы консультанты А.Н.Ханеня җавап бирделәр.

Барлык мәсьәләләр буенча да тулы аңлатмалар, гамәли һәм методик күрсәтмәләр бирелде.

Бөек Ватан сугышында Җиңүнең 73 еллыгын бәйрәм итү кысаларында Татарстан Республикасының Җир һәм мөлкәт мөнәсәбәтләре министрлыгында “Кайнар линия” телефоннары эше оештырылды. Бөек Ватан Сугышы ветераннары кызыксынган сорауларын “Кайнар линия” телефоны аша бирә алалар.

“Кайнар линия” телефоннары: 236-29-54, 221-40-80.  Җаваплы: Камалов Айдар Хисаметдин улы.


28
апрель 2018 ел.
шимбә

27 апрель көнне Татарстан Республикасының Җир һәм мөлкәт мөнәсәбәтләре министрлыгында муниципаль хезмәткәрләрнең ике көнлек стажировкасы төгәлләнде. Стажировка барышында тыңлаучылар өчен төп сораулар буенча лекция һәм практик дәресләр үткәрелде. Анда ТР Җир һәм мөлкәт мөнәсәбәтләре министрлыгы белән үзара хезмәттәшлек итү Килешмәләрен тормышка ашыру буенча муниципаль берәмлекләрдә эшне оештыру, муниципаль мөлкәт исәбен алып бару, муниципаль мөлкәтне бәяләү турындагы исәп-хисапларны экспертизалау һәм бәяләүчеләр берлеге белән хезмәттәшлек итү, муниципаль мөлкәт белән идарә итү һәм аны сату-алу эшләрен электрон формага күчерү, муниципаль берәмлекләрдә җир мөнәсәбәтләрен үстерү, устав капиталында муниципаль берәмлекләрнең катнашу өлеше булган акционерлык җәмгыятьләре һәм муниципаль унитар предприятиеләр белән идарә итүнең нәтиҗәлелеген күтәрү, кадастр мөнәсәбәтләре өлкәсендәге эшчәнлек сораулары каралды.

Нәтиҗәләр буенча тыңлаучыларга Казан федераль университетының Дәүләт һәм муниципаль идарә итүнең югары мәктәбенең кыска сроклы стажировкасын үтү турындагы документлар тапшырылды.

       2018 елның I кварталына булган нәтиҗәләре буенча ТР Җир һәм мөлкәт мөнәсәбәтләре министрлыгы тарафыннан әзерләнгән проектлар буенча Татарстан Республикасы эшмәкәрләре өчен, гомуми мәйданы 155 гектардан артык  105 җир кишәрлеге авыл хуҗалыгы җирләреннән төзелеш өчен яраклы категориягә күчерү буенча ТР Министрлар кабинетының 36 карары кабул ителде.

Шуларның:

  • Җир асты казылмалары өчен (нефть чыгару) – 27 карар;
  • Энергетика, элемтә, торба үткәргеч транспорты объектлары урнаштыру өчен – 8 карар;
  • Зират урнаштыру өчен – 1 карар чыгарылды.

27.04.2018 көнне Татарстан Республикасында 1941 – 1945 еллардагы Бөек Ватан сугышында Җиңүнең 73-еллыгын бәйрәм итү кысаларында Халыклар дуслыгы йортында Бөек Ватан сугышы ветераннары һәм аларның гаиләләренә бушлай юридик ярдәм күрсәтелде.

ТР Җир һәм мөлкәт мөнәсәбәтләре министрлыгыннан җир законнары буенча бушлай юридик ярдәм күрсәтүдә әйдәп баручы консультант Рамил Хәбибуллин катнашты. Мөрәҗәгать итүчеләрнең барысына да телдән һәм язмача формада, шулай ук хокукый характердагы документлар төзү буенча консультацияләр бирелде.

“Акционерлык җәмгыятьләре турындагы” Федераль закон нигезендә  акционерларның еллык гомум җыелышларын үткәрү чоры башланды. Еллык гомум җыелышлар көн тәртибенә 2018-2019 корпоратив елларга ревизия комиссиясе һәм директорлар советын сайлап кую, 2017 ел нәтиҗәләре буенча бухгалтерлык исәп-хисабын һәм еллык исәп-хисапны раслау, 2017 ел нәтиҗәләре буенча табышны бүлү, шул исәптән дивидентларны түләү, һәм акционерларның еллык гомум җыелышларына кагылышлы башка сораулар кертелде.

Агымдагы айда акцияләре Татарстан Республика милкендә булган, яки һәм аларга карата махсус хокук (“Алтын акция”) булган «Яңа Гасыр телерадиокомпаниясе» АҖ, «ТР җир мөнәсәбәтләре үсеше үзәге» ААҖ,  «Түбүн Кама ресурслары» АҖ, «Элита ГПП» ААҖ, «Мобиль дәүләт элемтиәсе» АҖ, «Зәй икмәк кабул итү предприятиесе» ААҖ акционерларның еллык гомум җыелышлары үткәрелде.


ЯҢАЛЫКЛАРГА ЯЗЫЛУ
Copyright © 2003 — 2018
Татарстан Республикасы Министрлар Кабинеты
Яндекс цитирования