Актаныш муниципаль районында җир законнары буенча консультация бирелде

2018 елның 21 мае, дүшәмбе

2018 елның 17-18 нче май көннәрендә  гражданнарга түләүсез юридик ярдәм күрсәтү буенча мәгълумати-консультация группасы Актаныш муниципаль районы халкына бушлай юридик ярдәм күрсәтергә барды.

Бу чарада группа составында ТР Җир һәм мөлкәт мөнәсәбәтләре министрлыгы белгече Александр Паймухин җир законнары сораулары буенча ярдәм күрсәтте. Сораулар җир кишәрлекләрен һәм торак йортны сату-алу килешмәләре төзүгә, җир чикләренә төгәллк кертү, күп балалы гаиләләргә җир кишәрлекләре бирүгә кагылышлы иде.

Бу көннәрдә үзләренең сорауларына җавап эзләп белгечләргә районның 62 кешесе мөрәҗәгать итте. Аларга бирелгән сораулары буенча консультация бирелде.