Фәрит Мусин “Данлы хезмәт өчен” Татарстан Республикасы медале белән бүләкләнде

2018 елның 28 мае, дүшәмбе

Күпьеллык уңышлы хезмәт һәм җир һәм мөлкәт мөнәсәбәтләре өлкәсендә үсешкә керткән өлеше өчен Татарстан Республикасы Президенты Указы белән күптән түгел Татарстан Республикасының җир һәм мөлкәт мөнәсәбәтләре министры урынбасары вазыйфасыннан китеән Фәрит Мусин “Данлы хезмәт өчен” Татарстан Республикасы медале белән бүләкләнде.

Медальне бүген Фәрит Мусинга министрлык җитәкчеләренең киңәшмәсендә министр Азат Хамаев тапшырды. Министр бердәм командада эшләү һәм республика каршында торган бурычларны чишүдә ирешелгән мөһим нәтиҗәләр өчен рәхмәт сүзләрен җиткерде.