Татарстанның 78% күп балалы гаиләсе җир кишәрлекләре алу өчен гариза язган

       29 август көненә күп балалы гаиләрдән җир кишәрлекләре алу турында 18 979 гариза кабул ителгән. Шуларның 11%ы гаризаларны Интернет-Портал аша тапшырган.

       Министрлыкның Җир ресурсы белгечләре әйтүенчә, узган айда гаиләләр тарафыннан өстәмә 1385 гариза тапшырылган.

       14 районда: Арча, Әтнә, Буа, Югары Ослан, Биектау, Яшел Үзән, Лаеш, Мамадыш, Менделеевск, Түбән Кама Питрәч, Саба, Тукай һәм Теләче районнарында күп балалы гаиләләрнең 90% ы документларын тапшырган, Казанда – 99%, Яр Чаллыда – 85%.

       Узган айда тагын 5246 җир кишәрлеге кадастр исәбенә кертелгән.

       Бүгенге көндә күп балалы гаиләләргә республиканың 43 районында барысы 6 822 җир кишәрлеге бирелгән. Бирелгән җир кишәрлекләренең мәйданы 820 га тәшкил итә.