Видеоконференция режимында зиратларны карап тоту һәм саклау мәсьәләләре буенча чираттагы киңәшмә узды
08.11.2019 ТР Җир һәм мөлкәт мөнәсәбәтләре министрлыгында министрның беренче урынбасары Артур Галиев рәислегендә ТР Президенты ярдәмчесе Рөстәм Мерзакреев һәм ТР буенча Росреестр идарәсе, «Росреестрның Федераль кадастр палатасы» ФДБУнең ТР буенча филиалы, «Татарстан Республикасы Муниципаль берәмлекләре Советы» Ассоциациясе, ТР муниципаль районнары вәкилләре катнашында зиратларны карап тоту һәм саклау сораулары буенча видеоконференция режимында киңәшмә үтте.
Татарстан Республикасы Президенты Р.Н.Миңнеханов кушуы буенча җирле үзидарә органнарына зиратлар астындагы участокларны рәсмиләштерергә һәм тиешле категориягә китерергә йөкләнде.
Татарстан Республикасында 3 831 зират, шуларның:
– рәсмиләштерелгән-1 747
- өлешчә рәсмиләштерелгән-276;
- рәсмиләштерелмәгән – 1808
Зиратлар нигездә авыл хуҗалыгы җирләрендә урнашкан.
Мондый җирләрдән файдалануны закон белән тәңгәлләштерү максатыннан, законнарга туры китерү зарур:
- сәнәгать җирләре һәм башка махсус билгеләнештәге җир кишәрлекләрен ызанлау, Формалаштыру һәм кадастр исәбенә кую буенча кадастр эшләре алып бару;;
- җир кишәрлегенең категориясен сәнәгать җирләренә һәм башка махсус билгеләнештәге җирләргә күчерү.
2019 елның 10 сентябреннән бүгенге көнгә кадәр Татарстан Республикасы Министрлар Кабинеты карарлары белән авыл хуҗалыгы билгеләнешендәге җирләр категориясеннән 51,5 га мәйданда 43 участок сәнәгать җирләренә күчерелде. Киңәшмәдә еш кына кишәрлекләрне рәсмиләштергәндә килеп туган проблемалар, зиратларны рәсмиләштерүнең гадиләштерелгән тәртибе, шулай ук урман фонды җирләрендә урнашкан зиратлар турында фикер алыштылар.
05.11.2019 ТР Министрлар Кабинетының 1014 нче карары кабул ителде, ул зиратлар астындагы кишәрлекләр категориясен күчерү өчен кирәкле документлар исемлеген киметте.
Участок категориясен түбәндәге документлар буенча күчерергә мөмкин:
- күчерү турында үтенечнамә;
- җир милекчесенең категориягә күчерүгә ризалыгы;
- объектны территориаль планлаштыру документларына туры килү турында Башкарма комитет Килештерү (әлеге документларның якынча формалары киңәшмә беркетмәсенә кушылачак).
Киңәшмә нәтиҗәләре буенча җирле үзидарә органнарына зиратларны рәсмиләштерү эшләрен агымдагы ел ахырына кадәр тәмамлау кирәклеге турында тәкъдимнәр бирелде.