ТР Җир һәм мөлкәт мөнәсәбәтләре министрлыгы каршындагы Иҗтимагый советның йомгаклау утырышы узды
ТР Җир һәм мөлкәт мөнәсәбәтләре министрлыгы каршындагы Иҗтимагый советның йомгаклау утырышы министр Фәнил Әһлиуллинның кереш сүзе белән ачылды. Ул югары профессиональлек, гражданлык позициясен һәм Иҗтимагый совет әгъзаларының практик эш тәҗрибәсен билгеләп үтте, алга таба конструктив хезмәттәшлеккә ышаныч белдерде.
Аннары Иҗтимагый совет рәисе Рәшит Әбашев коррупциягә каршы эш өчен җаваплы министрлык белгече Юлия Иксановага сүз бирде. Аның чыгышында Министрлыкта коррупция торышы турында җәмәгатьчелек фикерен сораштыру нәтиҗәләре чагылдырылды.
Министрлыкның структур бүлекчәләре җитәкчеләре актуаль мәсьәләләр буенча ел дәвамында күтәрелгән мәгълүмат әзерләделәр. Аерым алганда, кадастр исәбенә кую һәм зиратларны, торак-коммуналь хуҗалык һәм мәгариф объектларын теркәү, ТР Җир һәм мөлкәт мөнәсәбәтләре министрлыгында һәм муниципаль районнарда мөлкәт белән идарә итү процессларын цифрлаштыру перспективалары, ятим балаларга торак бирү буенча закон чыгару инициативалары, күп балалы гаиләләрне җир кишәрлекләре белән тәэмин итү буенча гражданнар мөрәҗәгате, электрон торгларга күчү, ДУП һәм Мупларны хосусыйлаштыру перспективалары һәм авыл хуҗалыгы билгеләнешендәге җирләрне арендага алганда ташламалар бирү һ. б. темалар күтәрелде.
Барлык мәсьәләләр дә җанлы фикер алышу предметы булды, ә аларның бер өлешен, мәсәлән, табигый монополияләр тарифлары, электрон сәүдәләр, авыл хуҗалыгы билгеләнешендәге җирләр бирү, газ челтәрләре тапшыру һ.Б. лар буенча, 2020 елда Иҗтимагый совет утырышларын аерым фикер алышуга чыгарырга карар кылынды.