Биектау муниципаль районында гражданнарга бушлай юридик ярдәм күрсәтелде

2020 елның 21 феврале, җомга

2020 елның 20 февралендә Татарстан Республикасы Биектау муниципаль районының Дөбъяз авылында Халыкка түләүсез юридик ярдәм күрсәтелде.

Бу чарада группа составында ТР Җир һәм мөлкәт мөнәсәбәтләре министрлыгы белгече Анна Ханжина җир законнары сораулары буенча ярдәм күрсәтте.

Мөрәҗәгать иткән гражданнарга күп балалы гаиләләргә җир кишәрлекләре бирү, җир кишәрлеген яңадан бүлү мәсьәләләре буенча тулы күләмдә аңлатмалар бирелде.

Барлык гражданнарга да квалификацияле хокукый ярдәм күрсәтелде.