«Татарстан АССР төзелүгә 100 ел» истәлек билгесен тапшыру

2020 елның 10 августы, дүшәмбе

Татарстан Автономияле Совет Социалистик Республикасы төзелүнең 100 еллыгын бәйрәм итүгә әзерлек һәм аны уздыру буенча оештыру комитетының 2019 елның 29 августындагы 01-7796 номерлы карары нигезендә, оештыру комитеты билгеләгән квоталар һәм истәлекле билге турындагы Нигезләмә нигезендә, Татарстан Республикасы Җир һәм мөлкәт мөнәсәбәтләре министрлыгында (алга таба – Министрлык) тармак үсешенә зур өлеш керткән ветераннарга һәм хезмәткәрләргә «Татарстан АССР төзелүгә 100 ел» истәлек билгесен тапшыру дәвам итә.

2020 елның 10 августында министр Фәнил Әһлиуллин тантаналы рәвештә Министрлык хезмәткәрләренең чираттагы төркеменә «Татарстан АССР төзелүгә 100 ел» истәлек билгесен тапшырды.