Татарстан Республикасы Җир һәм мөлкәт мөнәсәбәтләре министрлыгы «Җиңү диктанты» Бөтенроссия акциясендә катнашты
2020 елның 3 сентябрендә Россия Федерациясенең барлык төбәкләрендә «Җиңү диктанты-2020» Бөтенроссия патриотик акциясе узды. Диктант Бөек Ватан сугышы тарихын өйрәнүгә киң җәмәгатьчелекне җәлеп итү, яшьләргә тарихи белем һәм патриотик тәрбия бирү максатыннан үткәрелде һәм Бөек Ватан сугышында Җиңүнең 75 еллыгына багышланган.
«Җиңү диктанты» Россия Федерациясенең 85 төбәгендә һәм 23 чит ил дәүләтендә үткәрелде. Биремнәр истәлекле даталарга һәм вакыйгаларга, хәрби географиягә, тарихи шәхесләргә һәм полководецларга, сәнгать әдәбиятына, сынлы һәм монументаль сәнгать әсәрләренә багышланган иде.
Казан шәһәрендә «Җиңү диктанты» акциясе күп кенә мәйданчыкларда узды. Татарстан Республикасы Җир һәм мөлкәт мөнәсәбәтләре министрлыгы хезмәткәрләре Олег Масленков һәм Татьяна Дернова «27 нче Гимназия» муниципаль бюджет гомуми белем бирү учреждениесендә «Җиңү диктанты» Бөтенроссия акциясендә катнаштылар.