Казанда шәһәр агломерациясенең социаль-икътисадый үсеше проблемалары һәм перспективалары турында фикер алыштылар
Кереш сүз белән ТР Премьер-министры урынбасары-ТР икътисад министры Мидхәт Шаһиәхмәтов чыгыш ясады.
Казан агломерациясенә Казан шәһәр округы һәм республиканың 5 чиктәш муниципаль районы керә. Агломерацияне үстерүгә ихтыяҗ Казан чигендә торак төзелеше темплары югары булган фонда социаль,инженерлык, транспорт инфраструктуралары үсешенең артта калган темпларына бәйле проблемалар белән бәйле.
Катнашучылар шәһәр агломерацияләрен үстерү юллары турында фикер алыштылар, Түбән Новгород өлкәсендә шундый система булдыру үрнәген карадылар, Мәскәү экспертларының фикерләрен тыңладылар.
Җир һәм мөлкәт мөнәсәбәтләре министры урынбасары вазифаларын башкаручы Таһир Хөснетдинов, үз чиратында, Казан агломерациясен үстерү кысаларында ТР Җир һәм мөлкәт мөнәсәбәтләре министрлыгы белән берлектә ТР пространство мәгълүматлары фонды тарафыннан алып барыла торган төп юнәлешләр турында сөйләде. «Бүгенге көндә без территориаль планлаштыру һәм шәһәр төзелешен зоналаштыру документларына инвентаризация ясыйбыз. Әлеге эштән чыгып, элек расланган документларны эшләү алымнарына бертөрлелек булмау күренә, бу территорияләрне үстерү балансына китерә һәм мондый документларны шәһәр төзелеше эшчәнлеген тәэмин итүнең төбәк системасына интеграцияләүне кыенлаштыра», - дип билгеләп үтте ул. Шулай ук, аның сүзләренә караганда, агломерацияне үстерү стратегиясен булдыру өчен Агломерацияләр үсешенә шәһәр төзелеше мониторингы системасы кирәк.