Күчемсез милекне дәүләт теркәве турындагы законга үзгәрешләр кертелде
«Күчемсез милекне дәүләт теркәвенә алу турында «Федераль законга һәм Россия Федерациясенең аерым закон актларына үзгәрешләр кертү хакында» 2021 елның 30 апрелендәге 120-ФЗ номерлы Федераль закон (алга таба-Федераль закон) күчемсез милекне дәүләт кадастр исәбенә алу һәм мондый мөлкәткә хокукларны дәүләт теркәвенә алу өлкәсендә мөнәсәбәтләрне хокукый җайга салуны камилләштерүгә юнәлдерелгән.
Дәүләт кадастр исәбен һәм (яки) хокукларны дәүләт теркәвенә алу буенча дәүләт хезмәте күрсәтүнең сыйфатын һәм һәркем өчен мөмкин булуын арттыру максатларында закон белән хокукларны дәүләт теркәвенә алу һәм хокукларны дәүләт кадастр исәбенә алу өлкәсендә вәкаләтләрне гамәлгә ашыручы федераль дәүләт бюджет учреждениесенең вәкаләтләре беркетелә.
Федераль закон нигезендә күчемсез милекнең Бердәм дәүләт реестрына дәүләт яки муниципаль ихтыяҗлар өчен җир кишәрлеген һәм анда урнашкан күчемсез милек объектын алу турындагы карар, шулай ук мондый ихтыяҗлар өчен резервлана торган җирләрнең урнашу урыннарын тасвирлау кертелә.
Шуның белән бергә гаризалары буенча дәүләт кадастр исәбен алу һәм хокукларны дәүләт теркәвенә алу гамәлгә ашырыла торган затлар исемлеге киңәйтелә, мондый гаризаларны һәм аларга кушып бирелә торган документларны карап тикшермичә генә кире кайтару өчен нигезләр ачыклана.
Моннан тыш, Федераль закон белән бер үк вакытта һәм аерым алганда, дәүләт кадастр исәбен һәм хокукларны дәүләт теркәвенә алу очраклары төгәлләштерелә, шулай ук күчемсез милекнең Бердәм дәүләт реестрындагы хаталарны төзәтү һәм андагы мәгълүматларны бирү кагыйдәләре төгәлләштерелә.