Фәнил Әһлиуллин Кайбыч районының беренче сыйныф укучыларын котлады
Бүген мәгариф хезмәткәрләренең август конференциясе кысаларында Татарстан Республикасы Җир һәм мөлкәт мөнәсәбәтләре министры Фәнил Әһлиуллин Хөкүмәт делегациясе составында эш визиты белән Кайбыч муниципаль районында булды.
Делегация составында шулай ук Татарстан Республикасы Премьер-министры урынбасары Васил Шәйхрәзиев, алтынчы чакырылыш Татарстан Республикасы Дәүләт Советы депутаты Фәнил Баһаветдинов, Татарстан Республикасы Мәгариф һәм фән министры урынбасары Алсу Әсәдуллина да бар иде.
Мәгариф хезмәткәрләренең август конференциясе кысаларында кунаклар "Салават күпере" спорт-сәламәтләндерү комплексында узган "Мәктәпкә җыенырга ярдәм ит" акциясенә йомгак ясауда катнаштылар. Чарага районның барлык беренче сыйныф укучылары чакырылган иде, анда аларга чын бәйрәм оештырдылар һәм бүләкләр тапшырдылар. Фәнил Әһлиуллин беренче сыйныф укучыларын мөһим вакыйга, мәктәп тормышына беренче адым белән котлады. Аларга бернәрсәдән дә курыкмаска, үз-үзләренә ышанырга, дәресләрдә кыю булырга, яхшы билгеләргә генә укырга һәм яңа ачышларга, белемнәргә омтылырга теләде!
Татарстан Республикасы Кайбыч муниципаль районы педагогик хезмәткәрләренең август киңәшмәсенең пленар утырышы район башлыгы Альберт Рәхмәтуллин рәислегендә узды. "2020-2021 уку елында район мәгариф системасының эш йомгаклары турында. Яңа уку елында проблемалы аспектлар һәм аларны хәл итү юллары" темасына доклад белән мәгариф бүлеге начальнигы Илмас Хәмидуллин чыгыш ясады. Ирешелгән уңышлар һәм булган проблемалар билгеләнде, бурычлар һәм аларны хәл итү юллары куелды.
Үз чыгышында министр Татарстан Республикасы Хөкүмәте исеменнән Кайбыч муниципаль районы педагогик хезмәткәрләрен сәламләде һәм Татарстан Республикасының соңгы 10 елдагы казанышлары, алдагы чорга бурычлары турында сөйләде, агымдагы елның мөһим вакыйгасына - Россия Федерациясе Федераль Собраниесе Дәүләт Думасы депутатларын сайлауларга тукталды. Ул ассызыклаганча, бүген без илнең, республиканың киләчәк үсешен билгели торган мөһим иҗтимагый-сәяси вакыйга алдыннан торабыз.
Чара кысаларында делегация шулай ук Кайбыч төбәгенең тарихы һәм хәзерге заманы белән танышкан музейда да булды.