Торак пунктлар һәм территориаль зоналар чикләре турында мәгълүматларны Бердәм дәүләт реестрына кертү буенча эш дәвам итә
Бүген ТР Җир һәм мөлкәт мөнәсәбәтләре министрлыгында министр Фәнил Әһлиуллин рәислегендә Татарстан Республикасының Мамадыш, Менделеевск һәм Ютазы муниципаль районнарында Шәһәр төзелеше документларын эшләү сораулары каралды. Тиешле мәгълүмат белән күрсәтелгән районнар вәкилләре чыгыш ясады.
Моннан тыш, торак пунктларның һәм территориаль зоналарның чикләре турындагы мәгълүматларны Күчемсез милекнең Бердәм дәүләт реестрына кертү буенча эшләрне тәмамлауга комачаулаучы мәсьәләләр буенча фикер алышуда Татарстан Республикасы Президенты Аппараты, Татарстан Республикасы төзелеш, архитектура һәм торак-коммуналь хуҗалык министрлыгы, «Татарстан Республикасы Муниципаль берәмлекләр Советы» Ассоциациясе һәм «Татарстан Республикасы пространство мәгълүматлары фонды»ДБУ вәкилләре катнашты.