ТР Җир һәм мөлкәт мөнәсәбәтләре министрлыгы хезмәткәрләре Иннополис шәһәрендә булдылар

2021 елның 29 сентябре, чәршәмбе

Бүген ТР Җир һәм мөлкәт мөнәсәбәтләре министрлыгы хезмәткәрләре Югары Ослан районының Иннополис шәһәрендә экскурсиядә булдылар.

Экскурсия барышында хезмәткәрләр республика һәм Бөтенроссия масштабындагы эре IT-компанияләр урнашкан технопаркта булдылар. Моннан тыш, алар «Иннополис» университеты эше белән таныштылар, студентлар кампусларында булдылар. Иннополис Университеты мәгълүмати технологияләр һәм робототехника өлкәсендә мәгариф һәм фәнни тикшеренүләрдә специальләшә. Биредә студентлар һәм укытучылар өчен уку, эш һәм ял итү өчен максималь уңайлы шартлар тудырылган.

Экскурсиядә катнашучылар өчен шулай ук шәһәр буенча күзәтү экскурсиясе үткәрелде. Киләчәк шәһәрендә Заманча балалар бакчасы, мәктәп, ИТ-лицей, хастаханә, спорт комплексы бар.