1:50 000 масштаблы цифрлы топографик карталар яңартылды

2022 елның 19 июле, сишәмбе

“Татарстан Республикасы Пространство белешмәләре фонды” ДБУ региональ картографик нигезне алып бару кысаларында 1:50 000 масштаблы цифрлы топографик карталарны яңартты. Карталарны Фондтан алырга инде мөмкин.

Карталар 1:50 000 масштабтагы карталарны яңарту өчен җитә торган төгәл фотосурәтләр ясаучы космик аппаратлардан алынган мәгълүматларны кулланып яңартылды. Моңа кадәр цифрлы топографик карталарда җирлекнең халәте 2015-2016 елларныкы булса, хәзер җирлек 2021 елга туры килә.

2015-2016 еллардагы җирлек халәтен күрсәтүче карталар юкка чыгарылмый, аларны шулай ук гариза буенча алып булачак.