«Дәүләт кадастр бәяләү үзәге» Дәүләт бюджет учреждениесе фәнни-практик конференциядә катнаштылар
24-25 ноябрьдә «Дәүләт кадастр бәяләү үзәге» Дәүләт бюджет учреждениесе белгечләре Санкт-Петербург шәһәрендә бишенче тапкыр уздырылган «Кадастр бәяләве проблемалары: норматив-хокукый, методик, мәгълүмати һәм программа тәэминаты» фәнни-практик конференциясендә катнаштылар. Чараның ике көнендә 300дән артык катнашучы тәҗрибә уртаклашты. Чара барышында бәяләү эшчәнлеген норматив һәм методик җайга салу белән бәйле мәсьәләләр, базар бәясе күләмендә кадастр бәясен билгеләү проблемалары, шулай ук кадастр бәясен билгеләү процедураларын технологик һәм мәгълүмати тәэмин итү сораулары каралды.
Гадәттәгечә конференциядә Дәүләт теркәве, кадастр һәм картография федераль хезмәте, «Дәүләт теркәве, кадастр һәм картография федераль хезмәтенең Федераль кадастр палатасы» федераль дәүләт бюджет учреждениесе, Россия Федерациясе Сәүдә-сәнәгать палатасы, Россия Федерациясе субъектларының дәүләт хакимияте органнары һәм дәүләт кадастр бәяләвен үткәрергә вәкаләтле дәүләт бюджет учреждениеләре катнашты.