Пермьдә цифрлы пространство белешмәләрен куллану буенча актуаль сорауларны һәм перспективаларны карап чыктылар
"Яңа цифрлы чынбарлык: ЕГРН һәм пространство белешмәләре, Ясалма интеллект" регионара конференциясенең икенче көне секцияләр форматында "ЕГРН тулыландыру", Ясалма интеллект", "Кадастр бәяләве", "Пространство белешмәләре фабрикасы" темалары буенча дәвам итәчәк.
Кичә пленар утырышларда өлкә белгечләре, федераль һәм региональ ведомство вәкилләре пространство белешмәләре куллану проблемаларын һәм перспективаларын карап чыктылар.
Доклад белән чарада Идел буе федераль округында РФ Президентының тулы вәкаләтле вәкиле ярдәмчесе Екатерина Карутина чыгыш ясады. Ул конференциянең максаты уңышлар белән уртаклашу гына түгел, ә аларга ирешү юлларын да күрсәтүдә, дип ассызыклады.
Конференция модераторы сүзләренчә, пространство белешмәләре белән эшләү - гади эш түгел. Шуңа күрә регионара аралашуда килеп чыккан сорауларны хәл итү мөһим. Чарада күрсәтелгән иң яхшы тәҗрибәләр һәм нәтиҗәле тәкъдимнәр федераль дәрәҗәдә каралу өчен юнәлдереләчәк.