Казанда «Алма – бирмэ»коррупциягә каршы форумы старт алды
Бүген IT-паркта. Баширә Рамиева «Алма — бирмә»республика коррупциягә каршы форумы узды.
Чарада ТР җир һәм мөлкәт мөнәсәбәтләре министры Фәнил Әһлиуллин, шулай ук дәүләт хакимияте, бизнес, иҗтимагый оешмалар һәм берләшмәләрнең башка вәкилләре катнаштылар.
Форумда катнашучыларга сәламләү сүзен Татарстан Республикасы башлыгы Рөстәм Миңнеханов җибәрде.
"Халыкара коррупциягә каршы көрәш көнендә без икътисадый һәм социаль өлкәләрдә коррупцияне профилактикалау өчен барлык чараларны эзлекле рәвештә кабул итәргә тәвәккәллегебезне белдерәбез», - дип мөрәҗәгать итте Рөстәм Нургали улы катнашучыларга, коррупциягә каршы сәясәттә хакимият республика халкы тарафыннан ярдәмгә өметләнүен билгеләп.
Форум Президиумына Татарстан Республикасы Президентының Коррупциягә каршы сәясәт мәсьәләләре идарәсе башлыгы Марс Бәдретдинов, Россия Федерациясе Тикшерү комитетының Татарстан Республикасы буенча Тикшерү идарәсе җитәкчесе урынбасары, юстиция полковнигы Марсель Дулкарнаев, Татарстан Республикасы Югары Суды Рәисе Илгиз Гыйләҗев, Татарстан Республикасы Иҗтимагый палатасы рәисе Зилә Вәлиева һәм башка спикерлар керде.