Татарстан Республикасы Бәяләүчеләр берлегенең идарә органнары карарлары
«Татарстан Республикасы бәяләүчеләр берлеге» коммерциячел булмаган партнерлык идарәсе әгъзаларының чираттагы утырышында Татарстан Республикасы Бәяләүчеләр берлеге әгъзаларының гомуми еллык җыелышын үткәрүгә кирәкле документлар расланды, ул 2023 елның 15 мартында узачак. Утырышта Татарстан Республикасы җир һәм мөлкәт мөнәсәбәтләре министрлыгының бәяләү бүлеге башлыгы Лариса Швецова катнашты.
Утырышта башкарма директор кандидатуралары һәм Хисап комиссиясе әгъзалары кандидатуралары буенча тәкъдимнәр, шулай ук бәяләү эшләрен уздыруга тәкъдим ителгән минималь тарифлар Татарстан Республикасы Бәяләүчеләр берлегенең тариф сәясәте комитеты тарафыннан тәкъдим ителгән редакциядә расланды (оценщики-рт.рф сайтында бастырыла).
Тәкъдим ителгән гаризалар нигезендә Татарстан Республикасы Бәяләүчеләр берлегенең Эксперт-консультация советы составына экспертларның һәм консультантларның яңа кандидатуралары кертелде. Идарә вәкилләре Татарстан Республикасы Бәяләүчеләр берлеге экспертлары катнашында бәяләү турындагы хисапларның сыйфатына кагылышлы гаризаларны карадылар.
Утырышта катнашучылар шулай ук бәяләү эшчәнлегендә квалификация имтиханының төбәк форматын оештыру мәсьәләләре буенча фикер алыштылар.