Автомобиль юлларын инвентаризацияләү һәм хуҗасыз гидротехник корылмаларны рәсмиләштерү мәсьәләләре буенча киңәшмә
Бүген министр Фәнил Аглиуллин Татарстан Республикасы Транспорт һәм юл хуҗалыгы министрлыгы, «Главтатдортранс» ДКУ һәм «Татарстан Республикасы Пространство белешмәләре фонды» ДБУ вәкилләре белән берничә мәсьәлә буенча фикер алышты.
Беренче мәсьәлә дәүләт кадастр исәбенә кую максатыннан республика территориясендә автомобиль юлларын инвентаризацияләүгә кагылды. Әлеге чараларны Яңа Чишмә муниципаль районында пилот проекты сыйфатында уздыру турында карар кабул ителде.
Шулай ук республика муниципаль берәмлекләре тарафыннан хуҗасыз гидротехник корылмаларны озак вакыт рәсмиләштерү мәсьәләсе дә каралды. Актуаль проблемалы мәсьәләләрне хәл итү өчен республиканың җир һәм мөлкәт мөнәсәбәтләре палаталары җитәкчеләре катнашында киңәйтелгән киңәшмә үткәрү планлаштырыла.