Министрлык ветераннары Алексеевск районында экскурсиядә булдылар
Алексеевск районы башлыгы Сергей Демидов чакыруы буенча һәм ТР җир һәм мөлкәт мөнәсәбәтләре министрлыгы җитәкчелеге ярдәме белән 20 июньдә министрлык ветераннары Алексеевск районында бай программа белән экскурсиядә булдылар.
Район чигендә кунакларны традицион сыйлар белән каршы алалар, аннары Собор мәйданында Христосның терелү гыйбадәтханәсенең барлыкка килү тарихы белән таныштыралар һәм тәгәрмәчле рус миченнән удмурт ашлары белән сыйлыйлар.
Илдә бердәнбер булган Алексеевск сәнгать сыйфаты фабрикасында ветераннар табигый җепләрдән уникаль агач станокларда рус орнаментлары белән бизәкле сувенир әйберләр – сөлгеләр, салфеткалар, күлмәкләр һәм сарафаннар ясауларын күргәннәр. Ветераннар фабрика продукциясен сатып та алдылар.
Биләр авылында кунаклар тарихи-археологик музей, «Изге чишмә» архитектура-культ комплексы, шулай ук «Биләр страуслары» экофермасында булдылар, анда страуслардан башка кошлар һәм хайваннар да яши.
Кунаклар экскурсиядән яхшы кәеф һәм онытылмаслык тәэсирләр белән кайттылар.