Минзәлә районы бурычларны киметү буенча алып барылган эшләр турында хисап тотты
Министр урынбасары Рөстәм Шәмиев муниципаль милектә булган җир кишәрлекләре һәм мөлкәт өчен аренда түләүләре буенча бурычларны һәм салымнар буенча недоимкаларны киметү мәсьәләләре буенча чираттагы киңәшмәдә катнашты.
Чарада видеоконференцэлемтә режимында ТР буенча Федераль салым хезмәте идарәсе, ТР буенча Федераль суд приставлары хезмәте идарәсе һәм республиканың мөлкәт һәм җир мөнәсәбәтләре палаталары (идарәләре, комитетлары) вәкилләре катнашты.
2023 елның 1 июненә аренда түләүләре буенча Татарстан Республикасы Муниципаль берәмлекләре алдындагы бурычларның гомуми суммасы 258,2 млн сум тәшкил итә, шул исәптән 221,5 млн сум – җир участоклары өчен, 36,7 млн сум – милек өчен. Ел башыннан бурыч 10,6 млн сумга кимегән.
Киңәшмә барышында Минзәлә муниципаль районында җир өчен аренда түләүләре буенча бурычларны киметү буенча алып барыла торган эш турында хисап тыңланды. 2023 елның 1 июньенә әлеге районда җир участоклары өчен аренда түләүләре буенча бурыч суммасы 1,8 млн сум тәшкил итә, милекне арендалау буенча бурыч юк. Сигез иң эре бурычлыларның һәрберсе буенча алып барылган дәгъва эшенә җентекле анализ ясалды һәм бурычларны тагын да киметү буенча тәкъдимнәр бирелде.