Фәнил Әһлиуллин Кайбыч районында авыл клубы ачылышында катнашты
ТР җир һәм мөлкәт мөнәсәбәтләре министры Фәнил Әһлиуллин Кайбыч районының Каргалы авылында яңа клуб ачу тантанасында катнашты.
Клубны ачуда югары дәрәҗәле кунаклар арасында Кайбыч районы башлыгы Альберт Рәхмәтуллин һәм РФ Дәүләт Думасы депутаты Илдар Гыйльметдинов та бар иде.
Авыл мәдәният йорты «Мәдәният объектлары төзү» милли проекты буенча төзелгән һәм 50 урынга исәпләнгән.
Министр авыл халкын тантана белән котлады һәм иҗади үсеш теләде.
"Татарстан Республикасы Рәисенең Указы нигезендә 2023 ел республикада милли мәдәниятләр һәм традицияләр елы дип игълан ителде. Шуңа бәйле рәвештә республикада яшәүче барлык халыкларның мәдәниятен, гореф-гадәтләрен һәм туган телләрен саклауга, күпмилләтле халкыбызның бердәмлеген һәм мәдәниятара диалогны ныгытуга өстенлекләр бирелә. Татарстан Республикасы Президенты Рөстәм Миңнеханов ярдәме белән, шулай ук ныклы икътисад һәм федераль үзәк ярдәме белән, республикада социаль әһәмиятле программаларны гамәлгә ашыру дәвам итә», - диде Фәнил Әһлиуллин.