Әлки районы бурычларны киметү буенча алып барылган эшләр турында хисап тотты
Министр урынбасары Рөстәм Шәмеев муниципаль милектә булган җир кишәрлекләре һәм мөлкәт өчен аренда түләүләре буенча бурычларны һәм салымнар буенча недоимкаларны киметү мәсьәләләре буенча чираттагы киңәшмәдә катнашты.
Чарада Татарстан Республикасы финанс министры Радик Гайзатуллин җитәкчелегендә видеоконференцэлемтә режимында Татарстан Республикасы буенча Федераль салым хезмәте идарәсе, Татарстан Республикасы буенча Федераль суд приставлары хезмәте идарәсе һәм республиканың мөлкәт һәм җир мөнәсәбәтләре палаталары (идарәләре, комитетлары) вәкилләре катнашты.
2023 елның 1 июленә аренда түләүләре буенча Татарстан Республикасы Муниципаль берәмлекләре алдындагы бурычларның гомуми суммасы 255,3 млн сум тәшкил итә, шул исәптән 225,6 млн сум – җир участоклары өчен, 29,7 млн сум – мөлкәт өчен. Ел башыннан бурыч 13,4 млн сумга кимегән.
Киңәшмә барышында Әлки муниципаль районында җир өчен аренда түләүләре буенча бурычларны киметү буенча алып барыла торган эш турында хисап тыңланды. 2023 елның 1 июленә әлеге районда җир участоклары өчен аренда түләүләре буенча бурыч суммасы 340,8 мең сум тәшкил итә, милекне арендалау буенча бурыч юк. Тыңланган хисап нәтиҗәләре буенча бурычларны киметү буенча тәкъдимнәр бирелде.