Тукай муниципаль районында оештыру комитеты утырышы

       Кичә, 1941-1945 еллардагы Бөек Ватан сугышында Җиңү яулауга 70 ел тулу уңаеннан үткәреләчәк бәйрәмгә әзерлек буенча республикакүләм оештыру комитетының чираттагы утырышын үткәрүгә әзерлек кысаларында Тукай муниципаль районында үткән киңәшмәдә министр Азат Хамаев та катнашты.

       Көн тәртибе сорауларын карауда оештыру комитетв рәисе, Тукай муниципаль районы хакимият башлыгы Васил Хазеев, министр Азат Хамаев, район үзәк хастаханәсенең баш табибы Галим Сабирҗанов, социаль яклау идарәсе җитәкчесе Гөлнара Сабирҗанова катнашты. 

       Киңәшмәдә Җиңү көнен бәөрәм итүгә әзерлек кә кагылышлы, Бөек Ватан сугышында катнашкан һәм аларга тигезләшкән ветераннарга социаль ярдәм күрсәтү сораулары каралды һәм тиешле чаралар күрү турында карарлар кабул ителде.