Фәнил Әһлиуллин инвалидлар декадасына багышланган хәйрия концертында катнашты
1-10 декабрьдә Татарстан Республикасында инвалидлар декадасы уза. Ел саен Кайбыч районы башлыгы Альберт Рәхмәтуллин һәм мәдәният бүлеге башлыгы Рамилә Аблязова инициативасы белән район мәдәният йортында сәламәтлек мөмкинлекләре чикләнгән балаларга ярдәм итү өчен «Яхшылык эшлә» хәйрия концерты уза.
Кичә ТР Җир һәм мөлкәт мөнәсәбәтләре министры Фәнил Аглиуллин Кайбыч районында хәйрия концертында катнашты. Концертта татар эстрадасының танылган артистлары чыгыш ясады. Концерттан кергән акчалар махсус балалар тәрбияләүче гаиләләргә юнәлтеләчәк.
Фәнил Әһлиуллин Татарстан Республикасы җитәкчелеге һәм шәхсән үз исеменнән җыелганнарны сәламләде һәм мөмкинлекләре чикле кешеләргә ярдәм чаралары турында сөйләде, шулай ук җитәкчелеккә концерт оештырганнары өчен рәхмәт белдерде һәм киләчәктә дә игелекле эштә уңышлар теләде.
Фәнил Әһлиуллин, ТР Дәүләт Советы депутаты Фәнил Баһаутдинов, «Вика» төзелеш фирмасы директоры Фәнис Хәйруллин, район башлыгы Альберт Рәхмәтуллин һәм район эшкуарлары аерым гаиләләргә сертификатлар һәм бүләкләр тапшырдылар.