Россия Федераль суд приставлары хезмәте унитар предприятиеләрне реформалаштыру буенча киңәшмә үткәрде
ТР Җир һәм мөлкәт мөнәсәбәтләре министры Фәнил Әһлиуллин унитар предприятиеләр реформасын гамәлгә ашыру мәсьәләсе буенча Россия Федераль монополиягә каршы хезмәте оештырган видеоэлемтә режимындагы киңәшмәдә катнашты. Киңәшмәне статс-секретарь җитәкче урынбасары Сергей Пузыревский үткәрде.
Чарада РФ субъектларында дәүләт хакимияте органнарының вәкаләтле вазыйфаи затлары һәм ФАС территориаль идарәләре катнашты. Сергей Пузыревский ГУП һәм МУП реформалаштыру планы-графигын үтәү буенча айлык хисапны ФАС территориаль органнары адресына җибәрү кирәклеге турында хәбәр итте.
Исегезгә төшерәбез, Россиядә унитар предприятиеләрне реформалаштыру конкурентлы базарларда унитар предприятиеләр эшчәнлеген тыю турында 485-ФЗ номерлы Федераль закон таләпләре нигезендә уза. Татарстан Республикасында ТР Министрлар Кабинетының 27.10.2020 № 966 карары белән расланган ДУП һәм МУП реформалаштыру буенча 2025 елның 1 гыйнварына кадәрге чорга чаралар планы кабул ителде.