Министр Фәнил Әһлиуллин Чуаш Республикасындагы Сабантуйда булды
Бүген Җир һәм мөлкәт мөнәсәбәтләре министры Фәнил Әһлиуллин Чуваш Республикасы Комсомол муниципаль округының Урмаево авылында Сабантуй бәйрәмендә катнашты.
Урмаево авылында Сабантуй 1982 елдан бирле билгеләп үтелә һәм Россиянең төрле почмакларыннан күп кенә катнашучыларны һәм кунакларны җыя.
Фәнил Әһлиуллин Татарстан Республикасы Рәисе исеменнән җыелган кунакларны сәламләде, шулай ук халыкка җылы кабул итүләре өчен рәхмәт белдерде һәм истәлекле бүләкләр тапшырды.
Татарстан Республикасы делегациясе составында бәйрәм чараларында Кайбыч районы башлыгы Альберт Рәхмәтуллин да катнашты. Бәйрәмдә Кайбыч районы иҗат коллективлары катнашында мәдәни-күңел ачу программасы оештырылды. Бу бәйрәмгә өстәмә яктылык бирде.
Традиция буенча сабантуйда авыл хуҗалыгы һәм предприятиеләрнең алдынгыларын хөрмәтләү булды. Рәсми өлештән соң кунаклар бәйрәм мәйданчыклары эше белән таныштылар.
Һәрвакыттагыча, зур аудиторияне үз тирәсенә спорт мәйданчыклары җыйды. Иң тамашалы чара, әлбәттә, милли көрәш, ул күпләрне майдан үзәгендә берләштерде.
Халык капчыкларда йөгерүдә, чүлмәк ватуда һәм башка ярышларда иң яхшыларны билгеләде. Сабантуй көнендә барлык милләт вәкилләре традицион татар күңел ачулары белән мавыгып китте.
Бәйрәм сәхнәсе янындагы болында кунаклар өчен күчмә сәүдә оештырылды, аттракционнар эшләде.