Сумма доходов местных бюджетов Республики Татарстан составляет 2 млрд 333 млн рублей
2024 елның 1 маена Татарстан Республикасы җирле бюджетларының гомуми керемнәре 2 333,39 млн сум тәшкил итә, бу 2023 елның шул ук чорына караганда 597,06 млн сумга күбрәк.
"Җирле бюджетларның мөлкәтне һәм җирләрне кулланудан һәм сатудан кергән керемнәрендә иң зур өлеш җир кишәрлекләрен арендалаудан кергән керемнәргә ия, күрсәтелгән керемнәр 1 050,31 млн сум тәшкил итте. Күрсәтелгән статья буенча еллык бюджет йөкләмәсе 46,49% ка үтәлгән. Шулай ук җирләрне сатудан кергән керемнәр дә зур өлеш кертә, күрсәтелгән керемнәр 638,41 млн сум тәшкил итә. Әлеге статья буенча еллык бюджет йөкләмәсе 72,09% ка үтәлгән», - дип хәбәр итте Җир һәм мөлкәт мөнәсәбәтләре министры урынбасары Рөстәм Шәмеев.
Муниципаль милекне арендалаудан кергән акча 105,83 млн сум тәшкил итә. Еллык бюджет йөкләмәсе 38,39% ка үтәлгән. Муниципаль милекне сатудан кергән акча 139,08 млн сум тәшкил итә, әлеге Керем статьясы буенча план 66,07% ка үтәлгән.
Милектән файдаланудан башка керемнәр 339,92 млн. сум тәшкил итә, еллык план 41,95% ка үтәлгән.
Гомумән алганда, еллык план йөкләмәсе 51,85% үтәлгән, план 33,33%.