Татарстан районнарының шәһәр төзелеше документларын әзерләү буенча фикер алышу булды
Бүген ТР Җир һәм мөлкәт мөнәсәбәтләре министрлыгында министрның беренче урынбасары Сергей Демидов рәислегендә республиканың муниципаль районнары башкарма комитетлары белән видеоэлемтә буенча киңәшмә узды. Эштә Җир һәм мөлкәт мөнәсәбәтләре министры урынбасары Алмаз Кыямов катнашты.
Хәзерге вакытта Фонд тарафыннан татар телендә географик атамалар каталогын тутыру һәм актуальләштерү буенча эш алып барыла. Элегрәк районнарга исемнәрне төгәлләү өчен запрослар җибәрелгән иде, аларның күбесе оператив рәвештә эшкәртелде.
Муниципаль районнарга 2024 елның 1 апреленнән 30.12.2015 елгы 431-ФЗ номерлы Федераль законга үзгәрешләр кертелүен искәрттеләр. 10 статьяның 2 пункты нигезендә, региональ пространство мәгълүматлары фондларына Россия Федерациясе субъектларының дәүләт хакимияте органнары, җирле үзидарә органнары яки әлеге органнарга буйсынучы дәүләт яисә муниципаль учреждениеләр, дәүләт яисә муниципаль унитар предприятиеләр тарафыннан оештырылган геодезия һәм картография эшләрен башкару нәтиҗәсендә алынган пространство мәгълүматлары һәм материаллар кертелә.
Катнашучылар шулай ук җирдән файдалану һәм төзелеш кагыйдәләре проектларын тәмамлау буенча районнарга карата таләпләрне үтәү буенча эшләрнең барышы турында фикер алыштылар.