ТР Җир һәм мөлкәт мөнәсәбәтләре министрлыгы хезмәткәрләре Мордовиядә "Мастор" җир форумында катнаштылар
ТР Җир һәм мөлкәт мөнәсәбәтләре министрлыгының структур бүлекчәләре җитәкчеләре министрның беренче урынбасары Артур Галиев җитәкчелегендә 27-28 майда Саранскида узган "Мастор" төбәкара җир форумында катнаштылар.
Чара Россия Федерациясенең җир-мөлкәт ресурсы белән идарә итүнең нәтиҗәлелеген арттыру өчен федераль һәм төбәк хакимият органнары арасында җир-мөлкәт мөнәсәбәтләрендә диалог оештыру һәм тәҗрибә уртаклашу максатларында узды.
Росимущество катнашында оештырылган Форум Россиянең 40тан артык төбәгеннән 300дән артык кунак һәм катнашучыны җыйды. Алар-җир-мөлкәт өлкәсендәге әйдәп баручы экспертлар, Дәүләт Думасы депутатлары, федераль хакимият органнары вәкилләре, галимнәр.
Ике мәйданчыкта алты тематик секция һәм бер пленар утырыш узды. Иң популяр һәм күп санлы блокларның берсе дәүләт милке белән идарә итү процессын цифрлы үзгәртүгә багышланган. Шулай ук җир-мөлкәт мөнәсәбәтләре өлкәсендә закон чыгару инициативалары тәкъдим ителде.