Республика мөлкәт казнасы 2024 елның беренче яртыеллыгына йомгак ясады
«Республика мөлкәт казнасы» дәүләт бюджет учреждениесе («РИК» ДБУ) Татарстан Республикасы милек хокукын һәм республика учреждениеләренең һәм предприятиеләренең әйберләр хокукларын теркәүне, башка хокукларны тәэмин итү, хокукларын туктатып, күчемсез мөлкәт объектларын кадастр исәбенә кую һәм исәптән төшерү эшен дәвам итә. 2024 елның беренче яртыеллыгында теркәлүгә 1 659 электрон гариза бирелгән, 2023 елның шул ук чорында 2 065 гариза бирелгән.
Учреждение торглар үткәрү буенча планлы эш алып бара. Асылда 40 аукцион билгеләнгән, шуларның 30ы нәтиҗәле узган. Нәтиҗәле аукционнар проценты арту күзәтелә (2023 елның беренче яртыеллыгында - 65%, 2024 елның беренче яртыеллыгында - 75%.).
Моннан тыш, «РИК» дәүләт учреждениеләре өчен дә, коммерция оешмалары өчен дә күчемсез милекне, җир кишәрлекләрен, автотранспорт чараларын сату һәм арендага бирү буенча ачык сатулар (аукционнар) үткәрә. Автотранспорт сату хезмәтенә ихтыяҗ зур – хисап чорында 28 автомобиль сатылган, 21 объект арендага бирелгән. Шартнамә төзү буенча консультация алу өчен 8(843)264-30-81 телефоны буенча мөрәҗәгать итәргә яисә мөрәҗәгатьне түбәндәге адрес буенча җибәрергә мөмкин: imkazna@mail.ru.
«РИК» дәүләт мөлкәтеннән файдалануны тикшерүне тәэмин итә. ТР Җир һәм мөлкәт мөнәсәбәтләре министрлыгы раслаган график нигезендә, хисап чорында 49 учреждениегә күчмә тикшерү үткәрелде, алар барышында 1 931 объект күләмендә дәүләт мөлкәтеннән файдалануның нәтиҗәлелеге һәм сакланышы тикшерелде. :
- 693 бина,
- 655 берәмлек махсус техника,
- 403 җир кишәрлеге,
- 114 корылма,
- 57 урын;
- 9 Гражданнар оборонасы объекты.
«РИК» 2023 елдан ятим балалар һәм алар арасыннан булган затлар өчен билгеләнгән махсуслаштырылган торак фонды белән идарә итүне, шулай ук торак урыннарны хосусыйлаштыруны тәэмин итә. ТР Җир һәм мөлкәт мөнәсәбәтләре министрлыгы һәм ТР Мәгариф һәм фән министрлыгының уртак боерыгы кысаларында «РИК» тарафыннан ТР махсуслаштырылган торак фондының агымдагы елда наем шартнамәсенең биш еллык гамәлдә булу срогы тәмамлана торган ятим балаларга бирелгән торак биналары каралды. Бу 417 торак бина. Кызганычка каршы, торак-коммуналь хезмәтләр өчен бурыч булу очраклары элеккечә үк ачыклана.
Хисап чорында гражданнарның торак урыннарын гражданнар милкенә тапшыру буенча дәүләт хезмәте күрсәтү буенча 254 гаризасы каралды.