Иннополис шәһәрен үстерү фондын гамәлгә куючыларның гомуми җыелышы

2024 елның 23 июле, сишәмбе

Татарстан Республикасы Җир һәм мөлкәт мөнәсәбәтләре министрлыгында «Иннополис шәһәрен үстерү фонды» коммерциягә карамаган автоном оешмасын гамәлгә куючыларның гомуми җыелышы булды. Министр Азат Кадыров рәислегендә Фонд эшчәнлегенең төп аспектлары, аның максатлары һәм үсеш бурычлары турында фикер алыштылар, шулай ук киләчәккә перспектив планнар билгеләнде.

Җыелышта фонд эшенең төп юнәлешләре каралды, алар инновацион проектларга ярдәм итүне, шәһәр инфраструктурасын үстерүне, инвестицияләр җәлеп итүне һәм башкаларны үз эченә ала. Фонд инновацияләрне стимуллаштыру һәм Иннополисның конкурентлык сәләтен арттыру максатында дәүләт учреждениеләре, җирле предприятиеләр һәм халыкара оешмалар белән актив хезмәттәшлек итә.