Казанда XIII Халыкара фәнни-гамәли конференциядә катнашу өчен гаризалар җыю дәвам итә
26 һәм 27 августта Татарстан нефть-газ химиясе форумы кысаларында «Геодезиянең һәм геомәгълүмат системаларының актуаль мәсьәләләре» Халыкара конференциясе уздырыла.
Конференция кысаларында геодезия, кадастр эшләрен югары төгәллек белән координаталар-вакытлыча тәэмин итү, геомәгълүмат системаларын төзү һәм Җирне дистанцион зондлау белешмәләрен куллану өлкәсендә дәүләт сәясәте; территориянең геодезия инфраструктурасыннан файдалану проблемалары һәм перспективалары; бердәм электрон картография нигезен, пространство белешмәләре фондларын булдыру һәм башкалар турында фикер алышу күз алдында тотыла.
Конференция башлануга хезмәтләрнең электрон җыентыгын чыгару планлаштырыла.
Докладлар конференциянең оештыру комитетына электрон рәвештә тапшырыла. Докладларны вакытында бастырып чыгару өчен аларны 2024 елның 16 августына кадәр җибәрергә кирәк.
Докладларны рәсмиләштерүгә таләпләрне һәм чараның башлангыч программасын ТР ФПД сайтыннан күчереп алырга мөмкин: https://fpd.tatarstan.ru/.