Әлки районы Сиктермә-Хузангай авылы территориясендә аэрофотосъемка эшләре башкарыла

2024 елның 9 сентябре, дүшәмбе

Атна дәвамында ТР Пространство белешмәләре фондының геодезия һәм картография идарәсе белгечләре Әлки районында урнашкан Сиктермә-Хузангай авылы территориясендә инженер-геодезия эзләнүләрен башкарды.

Җирлекне төшерү барышында торак пунктның территориаль планлаштыру документларын әзерләү өчен кирәкле актуаль топограф-геодезия материаллары алынды.

Шулай ук белгечләр тарафыннан 1:500 масштаблы ортофотопланнар ясау өчен аэрофотосъемка башкарылды. Барлык алынган материалар һәм белешмәләр, алга таба кызыксынган физик һәм юридик затларга тапшыру өчен, фондка кертеләчәк.