Нефть объектлары турындагы белешмәләрне республиканың пространство белешмәләре фондына тапшыру планлаштырыла
Татарстан Республикасының пространство мәгълүматлары фондында «Татнефть» ГАҖ, «Транснефть – Прикамье» АҖ һәм «Нефтеконсорциум МНК» АҖ вәкилләре белән кече нефть компанияләренең нефть объектлары турындагы мәгълүматларны фондка тапшыру мәсьәләсе буенча киңәшмә узды.
Шунысын да билгеләп үтәргә кирәк, мондый мәгълүматлар, беренче чиратта, территориаль планлаштыру документларында нефть объектларыннан чикләүләр зоналарын һәм минималь ераклыкларны исәпкә алу өчен кирәк.
Киңәшмәдә катнашучылар фондның үзара хезмәттәшлек буенча тәкъдимнәре турында фикер алыштылар, шәһәр төзелешендә техник һәм санитария таләпләре үтәлмәгән очракта мөмкин булган куркынычлар белән таныштылар, шулай ук нефть объектларын бердәм дәүләт күчемсез милек реестрына керткәнче генераль планнарда исәпкә алу кирәклеге турында сөйләштеләр.
Хәзерге вакытта республиканың барлык кече нефть компанияләре белән килешүләр төзү мәсьәләсе карала. Мондый Материалларны Фондка туплау Республиканың инвестиция проектларын гамәлгә ашыру өчен сыйфатлы база булачак.