Татарстан Республикасы җирле бюджетлары керемнәре суммасы сигез айда 4 785,33 млн сум тәшкил итә
2024 елның сигез аенда Татарстан Республикасы җирле бюджетлары керемнәренең гомуми суммасы 4 785,33 млн сум тәшкил итә, план буенча 4 503,45 млн сум, бу 2023 елның шул ук чоры белән чагыштырганда 1 290,60 млн сумга күбрәк.
Мөлкәтне һәм җирләрне файдаланудан һәм сатудан җирле бюджетлар керемнәрендә иң зур чагыштырма авырлык җир кишәрлекләрен арендалаудан алынган, күрсәтелгән керемнәр 1 959,46 млн сум тәшкил иткән. Күрсәтелгән маддә буенча еллык бюджет йөкләмәсе 86,74% ка үтәлгән. Шулай ук җирләрне сатудан алынган керемнәр дә шактый зур өлешне алып тора, күрсәтелгән керемнәр 1 478,15 млн сум тәшкил иткән. Еллык бюджет йөкләмәсе әлеге маддә буенча 166,39% ка үтәлгән.
Муниципаль милекне арендалаудан кергән акча 211,91 млн сум тәшкил иткән. Еллык бюджет йөкләмәсе 76,87% ка үтәлгән. Муниципаль милекне сатудан кергән акча 323,64 млн сум тәшкил иткән, керемнәрнең әлеге маддәсе буенча план 153,75% ка үтәлгән.
Милекне файдаланудан башка керемнәр 711,68 млн сум тәшкил иткән, еллык план 87,83% ка үтәлгән.