Казанда пилотсыз авиасистемаларны үстерү буенча стратегик сессия узды
Республика программасы проектын әзерләүче эшче төркемгә министрлыклардан, ведомстволардан, мәгариф оешмаларыннан, фәнни-тикшеренү институтларыннан, үсеш институтларыннан һәм сәнәгать предприятиеләреннән 100дән артык вәкил кергән.
Сессиядә катнашучылар биш төркемчә составында пилотсыз авиасистемаларны үстерү буенча федераль проектлар нигезендә материаллар өстендә эшләделәр. «Илебезнең пилотсыз авиасистемаларына ихтыяҗны стимуллаштыру» төркемчәсе эшендә Җир һәм милек мөнәсәбәтләре министры урынбасары Алмаз Кыямов катнашты.
Төп проектларның һәм чараларның концепт-версияләре эшләнде. Алар арасында-пилотсыз очкычларны үстерү буенча фәнни-җитештерү үзәген төзү һәм мондый авиасистемаларга дәүләт гражданлык заказы институтын булдыру, очышларны тәэмин итү өчен инфраструктураны үстерү, авыл һәм урман хуҗалыкларында, линия объектларына хезмәт күрсәткәндә, контроль-күзәтчелек эшчәнлегендә пилотсыз авиацияне куллану стратегиясе.
Стратсессиядә катнашучылар шулай ук фикер алышына торган чараларга төбәк ярдәменең өстенлекле чараларын билгеләделәр, шул исәптән пилотсыз системаларны идеядән алып базар продуктына кадәр фәнни яктан тәэмин итү һәм яңа тармак өчен кадрлар әзерләү. Яңа үсеш институтларын булдыру һәм дәүләт идарәсе системасына оештыру үзгәрешләрен кертү буенча тәкъдимнәр бирелде.