1 388,04 млн сумлык муниципаль милек һәм җир кишәрлекләре сатылган һәм арендага бирелгән
Мөлкәтне һәм җир кишәрлекләрен сату һәм арендага бирү буенча электрон аукционнар үткәрү муниципаль бюджетларның керемнәрен арттыруда һәм коррупция куркынычы кимүдә сизелерлек фактор булып тора.
2024 елның 9 ае дәвамында сәүдә мәйданчыгында sale.zakazrf.ru Татарстан Республикасы Муниципаль берәмлекләре тарафыннан мөлкәт сату буенча 1 705,53 млн сумлык 617 сату игълан ителгән. Аеруча Аксубай, Алабуга, Зәй районнары активлык күрсәтте.
Милекне арендалау хокукын гамәлгә ашыру буенча 13,85 млн сумлык 117 сату игълан ителгән. Әлеге сатулар буенча Әлмәт, Буа, Бөгелмә районнары алда бара.
Моннан тыш, 2024 елның 9 ае дәвамында Татарстан Республикасы Муниципаль берәмлекләре тарафыннан 242,82 млн сумлык 198 милек объекты сатылган, 26,08 млн сумлык 246 объект арендага бирелгән.
Шулай ук сәүдә мәйданчыгында 9 ай дәвамында җир кишәрлекләрен сату буенча 161,18 млн сумлык 533 сату игълан ителгән. Сатулар саны буенча иң актив Менделеевск, Биектау, Нурлат районнары.
Җир кишәрлекләрен арендалау хокукын гамәлгә ашыру буенча гомуми суммасы 690,81 млн сумлык 1137 сәүдә игълан ителгән. Иң актив районнар-Питрәч, Мамадыш, Азнакай районнары.
Агымдагы елның 9 аенда 265,39 млн сумлык 212 җир кишәрлеге сатылган, 853,75 млн сумлык 674 җир кишәрлеге арендага бирелгән.