Республикада күп балалы гаиләләргә 49 313 җир кишәрлеге бирелгән

2024 елның 15 ноябре, җомга

2024 елның 15 ноябренә күп балалы гражданнардан җир кишәрлекләре алуга гаризалар буенча исемлеккә 72 292 гариза бирүче (үсә барган нәтиҗә белән) кертү турында карар кабул ителгән, шул исәптән Казан буенча – 18 127, Яр Чаллы шәһәре буенча – 9 439 гариза бирүче.

Татарстан Республикасы буенча, Казан һәм Чаллы шәһәрләрен исәпкә алып, барлыгы 53 844 җир кишәрлеге кадастр исәбенә куелган. Казанда – 8 856, Яр Чаллы шәһәрендә 3 404 җир кишәрлеге кадастр исәбенә куелган.

Татарстан Республикасы муниципаль районнарында, Казан һәм Чаллы шәһәрләрендә өч һәм аннан да күбрәк баласы булган гаиләләргә барлыгы 49 313 җир кишәрлеге бирелгән.