2024 ел йомгаклары буенча күп балалы гаиләләр республикада 2 931 участок алды. Күп балалы гражданнардан җир кишәрлекләре алуга гаризалар буенча исемлеккә 72 197 гариза бирүчене кертү турында Карар кабул ителгән, шул исәптән Казан шәһәре буенча – 18 133, Яр Чаллы шәһәре буенча – 9 447 гариза бирүче.

ТР Җир һәм мөлкәт мөнәсәбәтләре министрлыгы тарафыннан җир кишәрлекләрен Авыл хуҗалыгы билгеләнешендәге категориядән файдалы казылмалар төзү һәм чыгару категориясенә күчерү буенча алып барыла торган эш республиканың инвестицион климатын икътисадый үстерүгә һәм яхшыртуга күп яктан ярдәм итә.

2024 елда Республика мөлкәт казнасы Татарстан Республикасы казнасындагы дәүләт мөлкәтен, шул исәптән КУЭ субъектлары өчен билгеләнгән исемлектәге мөлкәтне сату һәм арендага бирү буенча 108 сәүдә үткәрде.

Милли максатларга ирешер өчен пространство үсешенең камил системасын формалаштыру, икътисадның территориаль оештыру формаларын эзләү, илнең инфраструктура һәм икътисади каркасын булдыручы терәк торак пунктларын үстерү - бу һәм башка бурычлар 2036 елга кадәрге прогнозны үз эченә керткән 2030 елга кадәрге Пространство үсеше стратегиясендә чагылыш тапты. Әлеге стратегияне раслау турындагы карарга (№4146-р 28.12.20224 ел) Хөкүмәт Рәисе Михаил Мишустин кул куйды.