Татарстанның күп балалы гаиләләренә 50 343 җир кишәрлеге бирелде
2024 ел йомгаклары буенча күп балалы гаиләләр республикада 2 931 участок алды. Күп балалы гражданнардан җир кишәрлекләре алуга гаризалар буенча исемлеккә 72 197 гариза бирүчене кертү турында Карар кабул ителгән, шул исәптән Казан шәһәре буенча – 18 133, Яр Чаллы шәһәре буенча – 9 447 гариза бирүче.
Татарстан Республикасы буенча, Казан һәм Яр Чаллы шәһәрләрен исәпкә алып, барлыгы 54 764 җир кишәрлеге кадастр исәбенә куелган. Казанда – 9 122, Яр Чаллыда 3 404 җир кишәрлеге кадастр исәбенә куелган.
Татарстан Республикасы, Казан һәм Яр Чаллы муниципаль районнарында өч һәм аннан да күбрәк баласы булган гаиләләргә өлешле милеккә барлыгы 50 343 җир кишәрлеге бирелгән.
2024 елда Республика Җир кодексына үзгәрешләр кертелде, алар Казанда һәм Чаллы шәһәрендә яшәүче гаиләләргә җир кишәрлекләре алу мөмкинлеген киңәйтергә мөмкинлек бирде, аларга якындагы районнарда җир кишәрлекләре алу мөмкинлеге бирелде.