Бердәм республика инвестиция порталын булдыру мәсьәләсе буенча киңәшмә
ТР Җир һәм мөлкәт мөнәсәбәтләре министры Азат Кадыйров ТР инвестицион үсеш агентлыгы, ТР Икътисад министрлыгы һәм ТР дәүләт идарәсен цифрлы нигездә үстерү, мәгълүмат технологияләре һәм элемтә министрлыгы вәкилләре белән Татарстан Республикасының инвестицион порталын киңәйтү мәсьәләсе буенча киңәшмә үткәрде.
ТР Җир һәм мөлкәт мөнәсәбәтләре министрлыгы тарафыннан Татарстан Республикасының Инвестиция порталында сату яки арендалау өчен тәкъдим ителә торган республика һәм муниципаль милек объектлары исемлеге белән өстәмә бүлекләр формалаштырырга тәкъдим ителде. Аерым алганда, инвесторлар һәм МСП өчен ирекле күчемсез милек объектлары, гаражлар, транспорт, җир ресурслары кертелергә мөмкин.
Мәйданчыкны киңәйтү инвесторлар җәлеп итүгә һәм республика һәм муниципаль милектәге файдаланылмый торган мөлкәтне хуҗалык әйләнешенә кертүгә юнәлдереләчәк.