Татарстанда күчемсез милек базары мониторингы форматларын үстерү буенча эш дәвам итә
Татарстан Республикасы Бәяләүчеләр берлеге мәгариф һәм һөнәри әзерлек комитеты рәисе Тәнзилә Удод инициативасы белән бәяләү эшчәнлегендә экспертларның эшлекле очрашуы узды.
Белгечләр Татарстан Территориясендә урнашкан күчемсез милек объектлары бәяләрен билгеләү өчен кулланылган бер рәт алымнар турында сөйләшеп, аларны, аерым алганда, “Җир кишәрлекләре” базары сегменты өчен формализацияләү мөмкинлеген карадылар.
Катнашучылар регионыбыз өчен актуаль булган бәя барлыкка китерүче факторларның тәкъдим ителгән исемлеге белән танышты. Дискуссия нәтиҗәсендә өстенлекле бурыч билгеләнде – базар һәм кадастр бәясе сыйфатын арттыру өчен кирәкле адым булып торган җир кишәрлекләре базарының төрле сегментларын тикшерү. Катнашучылар югары дәрәҗәдәге профессиональлек һәм төбәктә бәяләү эшчәнлеген үстерү мәнфәгатьләрендә алга таба хезмәттәшлеккә әзер булуын күрсәттеләр.
Чарада ТР Бәяләүчеләр берлегенең эксперт-консультацион советы әгъзалары, ТР Җир һәм мөлкәт мөнәсәбәтләре министрлыгы вәкилләре һәм чакырылган экспертлар катнашты.