Министрлыкта бурычлар динамикасына анализ ясау буенча эшче төркем утырышы узды
Татарстан Республикасы Җир һәм мөлкәт мөнәсәбәтләре министрлыгы муниципаль мөлкәт һәм җир арендасы килешүләре буенча җирле бюджетлар алдынгдагы бурычларга мониторинг үткәрә.
2025 елның 30 апрелендә бурычлар динамикасын анализлау буенча эш төркеме утырышы булды, аны видеоконференцэлемтә режимында министр урынбасары Рөстәм Шәмеев уздырды. Чарада ТР буенча Россиянең ФСПХ Баш идарәсе башкарма производствосы оештыру бүлегенең баш инспекторы Алинә Байбурина, ТР Финанслар министрлыгы җыелма икътисад бүлеге әйдәүче киңәшчесе Эльвира Фатыйхова, ТР Җир һәм мөлкәт мөнәсәбәтләре министрлыгы структур бүлекчәләре җитәкчеләре.
Агымдагы вәзгыять
2025 елның 1 апреленә Татарстан Республикасы муниципаль берәмлекләре бюджетлары алдындагы бурычлар күләме:
- Гомуми сумма: 265,22 млн сум
- Мөлкәт өчен: 24,08 млн сум
- Җир кишәрлекләре өчен: 241,14 млн сум
Системалы эш ярдәмендә бурычлар ел башыннан 9,93 млн сумга киметелде.
Күрелүче чаралар
Аренда түләве буенча бурычлары булган 9 муниципаль берәмлекнең җир һәм мөлкәт мөнәсәбәтләре палаталары җитәкчеләре һәр бурычлыга карата күрелгән төгәл чаралар турында хисап тотты.
Бурычларны алга таба да киметү өчен муниципаль берәмлекләргә түбәндәге чаралар тәкъдим ителде:
- Срогы чыккан бурычларны булдырмау өчен аренда килешүләре буенча түләүләргә даими рәвештә мониторинг үткәрү
- Бурычлы арендаторлар белән претензия-иск эшләрен көчәйтү
- Суд приставлары хезмәтләре белән актив хезмәттәшлек итү
Татарстан Республикасы Җир һәм мөлкәт мөнәсәбәтләре министрлыгы вәзгыятьне контрольдә тотуны дәвам иттерәчәк һәм бюджетларга аренда түләүләренең тулысынча керүен тәэмин итү өчен муниципалитетларга кирәкле методик ярдәм күрсәтәчәк.
“Без аренда бурычларын түләүне игътибар белән күзәтәбез, йөкләмәләрне үтәмәү очракларын теркибез һәм суд приставлары белән нәтиҗәле хезмәттәшлекне көчәйтәбез, шуңа күрә мондый утырышларны алга таба да даими рәвештә уздырачакбыз”, - ТР Җир һәм мөлкәт мөнәсәбәтләре министры урынбасары Рөстәм Шамеев.