Республика мөлкәт казнасына яңа директор билгеләнде

2025 елның 1 июле, сишәмбе

ТР Җир һәм мөлкәт мөнәсәбәтләре министры Азат Кадыйров “Республика мөлкәт казнасы” дәүләт бюджет учреждениесе коллективына яңа директор – Анатолий Демидовны тәкъдим итте. Ул вазыйфаларын үтәүгә 2025 елның 1 июлендә кереште.

Азат Кадыйров элеккеге җитәкче Виктор Тябинга рәхмәт белдереп, тантаналы рәвештә Министрлыкның Мактау грамотасын тапшырды. Министр аның 5 еллык эш дәверендә тәҗриҗә команда туплавын да ассызыклады.

Яңа директорга министр эшендә уңышлар һәм республика иминлеге өчен яңа проектлар булдыруны теләде.

Демидов Анатолий Сергеевич 2001 елның 23 гыйнварында Татарстанның Лаеш шәһәрендә туган.

Белеме

• 2023 елда Казан (Идел буе) Федераль университетының Идарә, икътисад һәм финанс институтын тәмамлаган (Бакалавр);
• 2025 елда Казан (Идел буе) Федераль университетының юридик факультетын тәмамлаган (Магистр).

Хезмәт юлы

• 2019-2020 еллар – РФ Кораллы Көчләрендә хезмәт;
• 2021 ел – “Золотое яблоко” ҖЧҖ склады хезмәткәре;
• 2023 ел – “Диджитал” ТТК” ҖЧҖ эшләп чыгару департаменты тестировщигы;
• 2023-2025 еллар – ТР Җир һәм мөлкәт мөнәсәбәтләре министрлыгының дәүләт җирләрен нәтиҗәле куллану бүлеге әйдәүче консультанты;
• 01.07.2025 -  “Республика мөлкәт казнасы” ДБУ җитәкчесе итеп билгеләнде.

Гаилә хәле: өйләнмәгән.